ലൈംഗികച്ചുവയോടെ സംസാരിച്ച് തട്ടിപ്പ് നടത്തിയ എന്‍ജിനീയറിങ് ബിരുദധാരി അറസ്റ്റില്‍. തിരുനെല്‍വേലി പനകുടി സ്വദേശി വള്ളാല്‍ രാജ്കുമാര്‍ റീഗനാണ് പിടിയിലായത്. ചെന്നൈ മധുരവയല്‍ സ്വദേശിയായ ഉദയരാജ് നല്‍കിയ പരാതിയുടെ അടിസ്ഥാനത്തില്‍ നടത്തിയ അന്വേഷണത്തിലാണ് ഇയാളുടെ തട്ടിപ്പ് പുറത്തായത്. ജോലിക്ക് അപേക്ഷിക്കാനായി ലൊക്കാന്റോ ഡൗണ്‍ലോഡ് ചെയ്തതായാണ് ഇയാള്‍ പറയുന്നത്. ഇതു പോപ്പ് അപ്പ് ചെയ്തപ്പോള്‍ സ്‌ക്രീനില്‍ ലൈംഗികച്ചുവയുള്ള ഭാഷയില്‍ ചാറ്റിങ് വന്നു. ഇതിനു മറുപടി നല്‍കി കുറച്ചു സമരം കഴിഞ്ഞപ്പോള്‍ പ്രിയ എന്ന പേരില്‍ ഒരു സ്ത്രീ വിളിക്കുകയായിരുന്നു. പണം നല്‍കിയാല്‍ കൂടുതല്‍ ആസ്വാദ്യകരമായ കാര്യങ്ങള്‍ക്ക് തയ്യാറാണെന്ന് ഇവര്‍ പറഞ്ഞു. നഗ്‌നദൃശ്യങ്ങള്‍ അയച്ചുതന്നുവെന്നും പരാതിക്കാരന്‍ പറയുന്നു.

എന്നാല്‍ ഉദയരാജ് നമ്ബര്‍ ബ്ലോക്ക് ചെയ്തു. എന്നാല്‍ ലൈംഗികമായി പീഡിപ്പിച്ചുവെന്ന് കാണിച്ചു പ്രിയ എന്ന സ്ത്രീ നല്‍കിയ പരാതി ഉദയരാജിനു ലഭിച്ചു. പണം നല്‍കിയില്ലെങ്കില്‍ പ്രത്യാഘാതമുണ്ടാകുമെന്ന മുന്നറിയിപ്പുമായി വീണ്ടും ഫോണ്‍ കോളുകള്‍ വരാന്‍ തുടങ്ങി. ഇതോടെ ഉദയരാജ് പരാതി നല്‍കുകയായിരുന്നു. തുടര്‍ന്ന് ഫോണ്‍ നമ്ബര്‍ കേന്ദ്രീകരിച്ചു അന്വേഷണം തുടങ്ങിയ പൊലീസ് ഇതു പുരുഷന്റേതാണെന്ന് കണ്ടെത്തുകയായിരുന്നു.