പൗരത്വ നിയമ ഭേദഗതിയെ അനുകൂലിക്കുന്നവരും പ്രതികൂലിക്കുന്നവരും തമ്മില് മൂന്നുദിവസമായി നടന്നുവരുന്ന ഏറ്റുമുട്ടലില് മരണം 14ആയി, നൂറ്റമ്പലതിലധികം പേര്ക്ക് പരിക്ക്
പൗരത്വ നിയമ ഭേദഗതിയെ അനുകൂലിക്കുന്നവരും പ്രതികൂലിക്കുന്നവരും തമ്മില് മൂന്നുദിവസമായി നടന്നുവരുന്ന ഏറ്റുമുട്ടലില് ഡല്ഹി സംഘര്ഷഭരിതം. ഒരു പോലീസുകാരന് ഉള്പ്പെടെ 14 പേര്ക്കാണ് ഇതിനോടകം ജീവന് നഷ്ടമായിട്ടുള്ളത്. നൂറ്റമ്പതിലധികം പേര്ക്ക് പരിക്കേറ്റിട്ടുണ്ട്. ഇവരില് 70ല് അധികം പേര്ക്ക് പരിക്കു പറ്റിയത് വെടിയേറ്റതുമൂലമാണ്. ഇരുവിഭാഗങ്ങളും ചേരിതിരിഞ്ഞ് പരസ്പരം കല്ലെറിയുകയും വാഹനങ്ങള്ക്കും കടകള്ക്കും തീവെക്കുകയും ചെയ്തു. സംഘര്ഷം റിപ്പോര്ട്ട് ചെയ്യാനെത്തിയ മാധ്യമപ്രവര്ത്തകര്ക്കു നേരെയും ആക്രമണമുണ്ടായി. സംഘര്ഷാവസ്ഥ തുടരുന്ന പശ്ചാത്തലത്തില് വടക്കു കിഴക്കന് ഡല്ഹിയിലാണ് സംഘര്ഷം പൊട്ടിപ്പുറപ്പെട്ടത്.
ജാഫറാബാദ്, ചാന്ദ്ബാഗ്, ഖജൂരിഖാസ്, കര്വാള് നഗര്, വിജയ് പാര്ക്ക്,. മൗജ്പുര്, കര്ദംപുരി, ഗോകുല്പുരി, ബ്രഹ്മപുരി എന്നിവിടങ്ങളിലാണ് സംഘര്ഷം പൊട്ടിപ്പുറപ്പെട്ടത്. സ്ഥിതിഗതികള് നിയന്ത്രണവിധേയമാക്കുന്നതിന്റെ ഭാഗമായി പ്രദേശത്ത് ആറായിരത്തോളം അര്ധസൈനിക വിഭാഗത്തെ വിന്യസിച്ചിട്ടുണ്ട്. സംഘര്ഷത്തിന്റെ പശ്ചാത്തലത്തില് വടക്കു കിഴക്കന് ഡല്ഹിയില് നിന്ന് ഘാസിയാബാദിലേക്കുള്ള എല്ലാ വഴികളിലും പോലീസ് ബാരിക്കേഡുകള് സ്ഥാപിച്ചിട്ടുണ്ട്. ഡല്ഹിയുടെ ക്രമസമാധാന ചുമതലയുള്ള സ്പെഷല് കമ്മീഷണറായി എസ്.എന്. ശ്രീവാസ്തവ ഐ.പി.എസിനെ അടിയന്തരപ്രാധാന്യത്തോടെ നിയമിച്ചു. വടക്കു കിഴക്കന് ഡല്ഹിയിലെ സ്കൂളുകള്ക്ക് ബുധനാഴ്ചയും അവധിയായിരിക്കുമെന്ന് ഉപമുഖ്യമന്ത്രി മനീഷ് സിസോദിയ അറിയിച്ചു. എല്ലാ ബോര്ഡ് പരീക്ഷകളും മാറ്റിവെച്ചതായും അദ്ദേഹം വ്യക്തമാക്കി. സംഘര്ഷത്തിന്റെ പശ്ചാത്തലത്തില് വടക്കു കിഴക്കന് ഡല്ഹിയിലെ 10,12 ക്ലാസുകളിലെ പരീക്ഷകള് മാറ്റിവെക്കാന് തീരുമാനിച്ചതായി സി.ബി.എസ്.ഇ. വാര്ത്താക്കുറിപ്പില് അറിയിച്ചു.
https://www.facebook.com/Malayalivartha
