ഇന്ത്യയുടെ സര്ജിക്കല് സ്ട്രൈക്ക്; പാകിസ്ഥാന്റെ ക്രൂരതയ്ക്ക് തിരിച്ചടി പ്രതീക്ഷിച്ചവര്ക്ക് പന്ത്രണ്ട് ദിനങ്ങള്ക്കപ്പുറം ഇന്ത്യന് വ്യോമസേനയുടെ മറുപടി
ഫെബ്രുവരി പതിനാല് പ്രണയദിനത്തില് ഇന്ത്യയുടെ അഭിമാനത്തിനേറ്റ ക്ഷതം മാത്രമല്ലായിരുന്നു പുല്വാമയിലെ ഭീകരാക്രമണം ഹൃദയത്തിനേറ്റ മുറിവു കൂടിയായിരുന്നു. പാകിസ്ഥാനിലെ സുരക്ഷിത കേന്ദ്രങ്ങളിലിരുന്നു മതഭ്രാന്തന്മാരുടെ തലയില് ജിഹാദി ആശയങ്ങള് കുത്തിക്കയറ്റി സ്ഥോടക വസ്തുകള് നല്കി അതിര്ത്തി കയറ്റി വിടുന്ന പാകിസ്ഥാന്റെ ക്രൂരതയ്ക്ക് തിരിച്ചടി പ്രതീക്ഷിച്ചവര്ക്ക് പന്ത്രണ്ട് ദിനങ്ങള്ക്കപ്പുറം ഇന്ത്യന് വ്യോമസേന മറുപടി നല്കി.
പാക് അതിര്ത്തിക്കുള്ളിലേക്കും ഇന്ത്യയുടെ ആകാശം നീളുമെന്ന മുന്നറിയിപ്പുമായി ഇന്ത്യന് യുദ്ധവിമാനങ്ങള് തീതുപ്പുകയായിരുന്നു. പാക് ഭീകര പരിശീലന കേന്ദ്രങ്ങളില് ആയിരം കിലോയോളം ബോംബുകള് അതും അതി ന്യൂനതമായ ലേസര് ഉപയോഗിച്ച് ലക്ഷ്യത്തിലേക്ക് കൃത്യമായി വഴികാട്ടുന്ന എസ് 2000 പ്രിസിഷന് ഗൈഡഡ് ബോംബുകള് വര്ഷിച്ച് തരിപ്പണമാക്കുകയായിരുന്നു. ബലാക്കോട്ടിലെ ഇന്ത്യന് പ്രതകാരത്തിന് ഇന്ന് ഒരാണ്ട് തികയുകയാണ്. ലോകരാജ്യങ്ങള് ഇന്ത്യയ്ക്കൊപ്പംമറ്റൊരു പരമാധികാര രാജ്യത്തിന്റെ അതിര്ത്തി കടന്ന് വ്യോമാക്രമണം നടത്തിയിട്ടും ലോക രാജ്യങ്ങള് പാകിസ്ഥാനൊപ്പം നിന്നില്ല. ഇന്ത്യയുടെ വാദങ്ങളില് കഴമ്പുണ്ടെന്ന് മനസിലാക്കിയ രാജങ്ങള് യുദ്ധത്തിലേക്ക് കാര്യങ്ങള് നീങ്ങരുതെന്ന അഭ്യര്ത്ഥന മാത്രമാണ് മുന്നോട്ട് വച്ചത്. ലോക രാജ്യങ്ങളുമായി ഇന്ത്യയുണ്ടാക്കിയ ബന്ധങ്ങളുടെ ശക്തിയും ബലാക്കോട്ടില് പരിശോധിക്കപ്പെട്ടു.
ബലാക്കോട്ടില് പാകിസ്ഥാന് പാഠം പഠിച്ചു. ഇനിയൊരിക്കല് ആ പാഠം മറന്നാല് ഇന്ത്യന് വിമാനങ്ങള്ക്ക് അതിര്ത്തി കടക്കേണ്ടി വരില്ല. ബലാക്കോട്ടില് തീതുപ്പിയ മിറാഷ് 2000 വിമാനങ്ങളേക്കാളും വര്ദ്ധിത ശേഷിയുള്ള റഫേല് വിമാനങ്ങള് ഇന്ന് ഇന്ത്യയുടെ കൈവശമുണ്ട്. അതിര്ത്തി കടക്കാതെ തന്നെ പാകിസ്ഥാനിലെ ലക്ഷ്യ സ്ഥലങ്ങളിലേക്ക് ആയുധങ്ങള് തൊടുക്കാനുള്ള ശേഷി ഈ വിമാനങ്ങള്ക്കുണ്ട്.
ബലാക്കോട്ടിലെ ഇന്ത്യന് തിരിച്ചടിക്ക് ശേഷം പാകിസ്ഥാനുമേല് ഇന്ത്യയ്ക്കുള്ള മേല്ക്കൈ ഒന്നു കൂടി വര്ദ്ധിച്ചതിന് ലോകം സാക്ഷ്യം വഹിച്ചു. നിഴല് യുദ്ധത്തിന് ഇനിയും ശ്രമിച്ചാല് മറുപടി കടുത്തതായിരിക്കുമെന്ന് ഓര്മ്മിപ്പിക്കുന്നതായിരുന്നു പാകിസ്ഥാന് ഇന്ത്യ നല്കിയ പാഠം.
https://www.facebook.com/Malayalivartha