ഫെബ്രുവരി 28-നു മുമ്പ് കെവൈസി വിവരങ്ങൾ അപ്ഡേറ്റ് ചെയ്യാത്ത ഉപഭോക്താക്കളുടെ അക്കൗണ്ടുകൾ ബ്ലോക്ക് ചെയ്യുമെന്ന് എസ്ബിഐ അറിയിച്ചു . നേരിട്ട് ബാങ്കിൽ ചെന്നും അല്ലാതെ ഓൺലൈനായും കെവൈസി വിവരങ്ങൾ അപ്ഡേറ്റു ചെയ്യാം. കെവൈസി അപ്ഡേഷൻറെ സ്റ്റാറ്റസ് ഓൺലൈനിലൂടെ അറിയാനും ഇപ്പോൾ അവസരമുണ്ട്.
നി‍ര്‍ദ്ദിഷ്ട കെവൈസി ഫോം പൂരിപ്പിച്ച് ഏതെങ്കിലും അംഗീകൃത അഡ്രസ് പ്രൂഫിനൊപ്പം സമ‍‍ര്‍പ്പിയ്ക്കണം . അല്ലെങ്കിൽ ഓൺലൈനായി ഡിജിറ്റൽ സിഗ്നേച്ച‍ര്‍ നൽകിയാണ് കെവൈസി വിവരങ്ങൾ അപ്ഡേറ്റ് ചെയ്യേണ്ടത് അക്കൗണ്ടുകൾ ദുരുപയോഗം ചെയ്യപ്പെടുന്നത് തടയാനാണ് കൈവൈസി വിവരങ്ങൾ നിർബന്ധമാക്കുന്നത്.

ആധാ‍ര്‍ കാര്‍ഡ്, പാൻ കാര്‍ഡ്, പാസ്പോ‍ര്‍ട്ട്, വോട്ടര്‍ ഐഡി കാ‍ര്‍ഡ്, ഡ്രൈവിങ് ലൈസൻസ്, ഫോൺ ബിൽ, ഫോട്ടോയോടു കൂടിയ ബാങ്ക് പാസ്ബുക്ക്, ഇലക്ട്രിസിറ്റി ബിൽ എന്നിവയാണ് അംഗീകൃത അഡ്രസ് പ്രൂഫ്

ബാങ്ക് ബ്രാഞ്ചിൽ നേരിട്ടു പോയാൽ കെവൈസി സംബന്ധിച്ച വിവരങ്ങൾ ലഭിയ്ക്കും. അപ്ഡേഷൻ സ്റ്റാറ്റസും അറിയാനാകും. ഇൻറ‍ര്‍നെറ്റ് ബാങ്കിങ്ങിലൂടെയും, എസ്ബിഐ സൈറ്റിലൂടെയും കെവൈസി സ്റ്റാറ്റസ് അറിയാം.
ഓൺലൈനായി കെവൈസി അപ്‍ഡേറ്റു ചെയ്യുന്നതിന് യൂസർഐഡിയും പാസ് വേഡും ഉപയോഗിച്ച് എസ്ബിഐ കാര്‍ഡ്.കോം എന്ന വെബ്സൈറ്റ് സന്ദ‍ര്‍ശിയ്ക്കുക. മൈ അക്കൗണ്ട്സ് സെലക്ട് ചെയ്യുക. സബ്മ്മിറ്റ് കെവൈസി ക്ലിക്ക് ചെയ്യുക. നിലലവിലുള്ള അഡ്രസ് പ്രൂഫ്, ഐഡി പ്രൂഫ്, പാസ്പോ‍ര്‍ട്ട് സൈസ് ഫോട്ടോ ഗ്രാഫ് എന്നിവ സ്കാൻ ചെയ്ത് നൽകുക. സബ്മിറ്റ് ചെയ്യുക.

സാധാരണ ഏഴു പ്രവ‍ര്‍ത്തി ദിവസങ്ങൾക്കുള്ളിൽ കെവൈസി അപ്ഡേഷൻ അപ്രൂവ് ആകും ...ഇതിന് ശേഷം കെവൈസി അപേഡേഷൻ സംബന്ധിച്ച സ്റ്റാറ്റസ് അറിയാനാകും