ആന്ധ്രപ്രദേശ് മുന്‍ മുഖ്യമന്ത്രിയുമായ എന്‍. ചന്ദ്രബാബു നായിഡു കരുതല്‍ തടങ്കലിൽ
തെലുഗു ദേശം പാര്‍ട്ടി (ടി.ഡി.പി) നേതാവും ആന്ധ്രപ്രദേശ് മുന്‍ മുഖ്യമന്ത്രിയുമായ എന്‍. ചന്ദ്രബാബു നായിഡുവിനെ കരുതല്‍ തടങ്കലിലാക്കി. വിശാഖപട്ടണം വിമാനത്താവളത്തില്‍വെച്ചായിരുന്നു ഇദ്ദേഹത്തെ പൊലീസ് കസ്റ്റഡിയിലെടുത്തത്. കര്‍ഷക മാര്‍ച്ചില്‍ പ്രസംഗിക്കാന്‍ പോകുന്ന വഴിയായിരുന്നു സംഭവം നടന്നത്.
ഇദ്ദേഹത്തെ വിമാനത്താവളത്തില്‍ നിന്നും കാറില്‍ പുറത്തേക്ക് പോകവേ പൊലീസ് പിടികൂടി വി.ഐ.പി ലോഞ്ചിലേക്ക് കൊണ്ടുപോകുകയായിരുന്നു. പിന്നീട് വിജയവാഡയിലേക്കോ ഹൈദരാബാദിലേക്കോ മാറ്റിയതായായും സൂചനകൾ പുറത്ത് വരുന്നു. ചന്ദ്രബാബു നായിഡുവിനെ സ്വീകരിക്കാന്‍ ടി.ഡി.പി പ്രവര്‍ത്തകരും തടയാന്‍ വൈ.എസ്.ആര്‍ കോണ്‍ഗ്രസ് പ്രവര്‍ത്തകരും വിമാനത്താവള പരിസരത്ത് തന്നെയുണ്ടായിരുന്നു. ഇരുവിഭാഗവും തമ്മില്‍ ഏറെനേരം ഉന്തുംതള്ളുലുമൊക്കെയുണ്ടായി . ജഗന്‍ മോഹന്‍ റെഡ്ഡി സര്‍ക്കാരിനെതിരെ പ്രതിഷേധ റാലി പ്രഖ്യാപിച്ചതിന് കഴിഞ്ഞ സെപ്തംബറിലും നായിഡുവിനെ അറസ്റ്റ് ചെയ്ത് വീട്ടു തടങ്കലിൽ ആക്കിയിരുന്നു .
https://www.facebook.com/Malayalivartha
