നിര്‍ഭയകേസ് പ്രതികള്‍ക്കെതിരെ പുറപ്പെടുവിച്ച മരണവാറന്റിന് ഡല്‍ഹി പട്യാല ഹൗസ് കോടതി സ്റ്റേ. പ്രതികളുടെ വധശിക്ഷ നാളെ രാവിലെ നടപ്പാക്കാനിരിക്കുകയായിരുന്നു. അപ്പോഴാണ് കോടതി വിധി വന്നിരിക്കുന്നത്. ഇനിയൊരു അറിയിപ്പ് ഉണ്ടാകുന്നത് വരെ മരണവാറന്റ് നടപ്പാക്കുന്നത് നീട്ടിവെച്ചിരിക്കുന്നതായും കോടതി വ്യക്തമാക്കി

കേസിൽ നാല് പ്രതികളില്‍ ഒരാളായ പവന്‍ ഗുപ്ത സമര്‍പ്പിച്ച ഹര്‍ജി പരിഗണിച്ചായിരുന്നു കോടതി ഉത്തരവ് വന്നിരിക്കുന്നത്. ദയാഹര്‍ജി രാഷ്ട്രപതിയുടെ പരിഗണനയിലാണെന്നും രാഷ്ട്രപതി അക്കാര്യത്തില്‍ തീരുമാനം എടുക്കാനിരിക്കുന്ന സാഹചര്യത്തില്‍ നാളെ വധശിക്ഷ നടപ്പാക്കരുതെന്നും ആവശ്യപ്പെട്ടായിരുന്നു പവന്‍ ഗുപ്ത കോടതിയെ സമീപിച്ചിരിക്കുന്നത്.