രാഹുലിനെതിരെ അന്വേഷണവുമായി ഡല്‍ഹി പോലീസ്. പാര്‍ട്ടിയില്‍ നിന്ന് അവധിയെടുത്ത് മാറി നില്‍ക്കുന്ന രാഹുല്‍ എവിടെയാണുള്ളതെന്ന് പുറംലോകത്ത് ആര്‍ക്കുമറിയില്ല. അമ്മയും കോണ്‍ഗ്രസ് അധ്യക്ഷയുമായ സോണിയാ ഗാന്ധിയുമായുള്ള അഭിപ്രായ വ്യത്യാസമാണ് രാഹുലിന്റെ മാറി നില്‍ക്കലിന് കാരണമെന്ന് മാത്രമേ ആര്‍ക്കും അറിയാവൂ. ഇതിനിടെയാണ് ഡല്‍ഹി പൊലീസിന്റെ വിചിത്രമായ അന്വേഷണം. രാഹുല്‍ ഗാന്ധിയുടെ രൂപം, കണ്ണിന്റെ നിറം, മുടിയുടെ നിറം എന്നിവയാണ് കോണ്‍ഗ്രസ് ഉപാധ്യക്ഷന്റെ ഓഫീസിലെത്തി പൊലീസ് തിരക്കിയത്. കഴിഞ്ഞയാഴ്ചയായിരുന്നു സംഭവം. പൊലീസിന്റെ ഈ നീക്കം എന്തിനാണെന്നത് ആര്‍ക്കും വ്യക്തമല്ല.

ഓഫീസിലെത്തിയ പൊലീസുകാരാണ് വിവരങ്ങള്‍ തിരക്കിയത്. എന്തിനാണ് അന്വേഷണമെന്ന് ചോദിച്ചപ്പോള്‍ മറുപടിയും നല്‍കില്ലെന്ന് കോണ്‍ഗ്രസ് ഉപാധ്യക്ഷന്റെ ഓഫീസ് പറയുന്നു. ഏതായാലും ഓഫീസിലെത്തിയ പൊലീസുകാരന്റെ ചിത്രം ക്യാമറയില്‍ പകര്‍ത്തിയിട്ടുമുണ്ട്. അനാവശ്യമായ അന്വേഷണമാണ് പൊലീസ് നടത്തിയത്. ഇതിന് പിന്നില്‍ ഗൂഡാലോചനയും ഉണ്ടാകും. അതിനാല്‍ വ്യവസ്ഥാപിത രീതിയില്‍ പ്രതികരിക്കാനാണ് കോണ്‍ഗ്രസിന്റെ നീക്കം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha