രാജസ്ഥാനില്‍ കഴിഞ്ഞ മൂന്നുദിവസമായി തുടരുന്ന കനത്ത മഴയില്‍ മരിച്ചവരുടെ എണ്ണം 25 ആയി. 26 ജില്ലകളെയാണ് മഴക്കെടുതി ബാധിച്ചിരിക്കുന്നത്.
കാര്‍ഷികമേഖലകളില്‍ 50 ശതമാനത്തിലേറെ വിളകളാണ് മഴയില്‍ നശിച്ചത്. 4247 ഗ്രാമങ്ങളിലെ ഗോതമ്പ്, ജീരകം, മല്ലി, വെളുത്തുള്ളി എന്നീ വിളകള്‍ക്കാണ് കനത്ത നാശം നേരിട്ടത്. 166 കന്നുകാലികളടക്കം 1315 വളര്‍ത്തുമൃഗങ്ങളും ഇവിടെ ചത്തു. ജമ്മുകശ്മീരില്‍ കനത്ത മഴയെത്തുടര്‍ന്ന് മണ്ണിടിഞ്ഞ് വീണ് നാലുവയസ്സുകാരി മരിച്ചു. തെക്കന്‍ കശ്മീരിലെ പുല്‍വാമ ജില്ലയിലാണ് അപകടമുണ്ടായത്. കനത്ത മഴയെത്തുടര്‍ന്ന് ശ്രീനഗര്‍-ജമ്മു ദേശീയപാത അടച്ചു. വിമാന സര്‍വീസുകളും റദ്ദാക്കിയിട്ടുണ്ട്. മഴയോടൊപ്പം കശ്മീരില്‍ മഞ്ഞുവീഴ്ചയും ശക്തമായിട്ടുണ്ട്.