ഉത്സവം കാണാനെത്തിയ നടനെ ഗുണ്ടകള് അടിച്ചു കൊന്നു; മാരകായുധങ്ങളുമായി എത്തിയ ഗുണ്ടകള് വളഞ്ഞിട്ട് ആക്രമിക്കുകയായിരുന്നു
കന്നഡ യുവനടനും നിര്മാതാവുമായ കൃഷ്ണ ഗുണ്ടകളുടെ ആക്രമണത്തില് കൊല്ലപ്പെട്ടു. ബെലവാഡിയില് ക്ഷേത്രത്തിലെ ഉല്സവത്തിനിടെ ജനങ്ങള് നോക്കിനില്ക്കെയായിരുന്നു ആക്രമണം. സാമ്പത്തിക ഇടപാടുമായി ബന്ധപ്പെട്ട വൈരാഗ്യമാണു കാരണമെന്നാണു പ്രാഥമിക നിഗമനം.
അടുത്തിടെ ഹിറ്റായ \'ഹായ് കൃഷ്ണ \' എന്ന കന്നഡ ചലച്ചിത്രത്തിലെ നായകനായിരുന്നു കൃഷ്ണ. ചില കന്നഡ സിനിമകള് ഇദ്ദേഹം നിര്മിക്കുകയും ചെയ്തിരുന്നു. നേരത്തെ കൃഷ്ണയ്ക്ക് പകരം മറ്റൊരു നടനായ നവീന് കൃഷ്ണ കൊല്ലപ്പെട്ടന്നായിരുന്നു മാധ്യമങ്ങളില് വാര്ത്ത വന്നത്. പിന്നീട് നവീന് തന്നെ സ്ഥിരീകരണവുമായി എത്തിയതോടെയാണ് മരിച്ചത് കൃഷ്ണയാണെന്ന് സിനിമാലോകം തന്നെ അറിയുന്നത്.
ഞായറാഴ്ച രാത്രി ബെലവാടിയിലെ മാരിയമ്മന് ക്ഷേത്രത്തില് ഉത്സവം നടക്കുന്നതിനിടെയാണ് ആക്രമണമുണ്ടായത്. പരിപാടി കണ്ടുകൊണ്ടിരുന്ന കൃഷ്ണനെ മാരകായുധങ്ങളുമായി വാഹനത്തിലെത്തിയ ചിലര് വളഞ്ഞിട്ട് ആക്രമിക്കുകയായിരുന്നു. ഇതുകണ്ട ജനക്കൂട്ടം ഭീതിയില് ചിതറിയോടി. കൃഷ്ണ സംഭവസ്ഥലത്തുതന്നെ മരിച്ചു. പോലീസ് സ്ഥലത്തെത്തിയപ്പോഴേക്ക് അക്രമികള് രക്ഷപ്പെട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
