പാക്കിസ്ഥാന് കേന്ദ്ര ആഭ്യന്തരമന്ത്രിയുടെ നിര്ദേശം, ഭീകരവാദി ഗ്രൂപ്പുകളെ പിന്തുണയ്ക്കുന്നത് പാക്കിസ്ഥാന് അവസാനിപ്പിക്കണമെന്ന് രാജ്നാഥ് സിംഗ്
പാക്കിസ്ഥാന് കേന്ദ്ര ആഭ്യന്തരമന്ത്രി രാജ്നാഥ് സിംഗിന്റെ നിര്ദേശം. ഭീകരവാദികളെ പിന്തുണയ്ക്കുന്നത് പാക്കിസ്ഥാന് അവസാനിപ്പിക്കണമെന്ന് കേന്ദ്ര ആഭ്യന്തരമന്ത്രി രാജ്നാഥ് സിങ് പറഞ്ഞു. അയല്രാജ്യങ്ങള്ക്കെതിരെ ഭീകരവാദത്തെ ഉപയോഗിക്കുന്ന രീതി പാക്കിസ്ഥാന് നിര്ത്തണം. ഇല്ലെങ്കില് അത് ദോഷം ചെയ്യും. ഭീകരവാദികളെ രണ്ടായി തിരിക്കാന് പറ്റില്ല. നല്ല ഭീകരവാദികളെന്നോ ചീത്ത ഭീകരവാദികളെന്നോ ഇല്ലെന്നും രാജ്നാഥ് സിങ് വ്യക്തമാക്കി. കുറെ വര്ഷങ്ങളായി ഇന്ത്യന് അതിര്ത്തി ഭീകരാക്രമണത്തിന് ഇരയാകുന്നുണ്ട്. ഭീകരവാദികളെ ഉപയോഗിച്ച് ഇന്ത്യയെ ആക്രമിക്കുന്ന രീതി പാക്കിസ്ഥാന് അവസാനിപ്പിക്കണമെന്നും അദ്ദേഹം വ്യക്തമാക്കി.
സാങ്കേതിക വിദ്യയും ഭീകരാക്രമണത്തിന് പാക്കിസ്ഥാന് ഉപയോഗിക്കുന്നു. ആക്രമണങ്ങള് എങ്ങനെ ഏതെല്ലാം രീതിയില് നടത്താമെന്ന് ഓണ്ലൈന് വഴി മനസിലാക്കുന്നതിനുള്ള സൗകര്യങ്ങള് ഇപ്പോഴുണ്ടെന്നും അദ്ദേഹം പറഞ്ഞു. ലോകമെങ്ങും ഭീഷണിയായി മാറിയിട്ടുള്ള ഇസ്ലാമിക് സ്റ്റേറ്റ് ഭീകരര്ക്ക് ഇന്ത്യന് യുവത്വത്തില് സ്വാധീനം ചെലുത്തുന്നതിന് ഇതുവരെ സാധിച്ചിട്ടില്ല. വിരലില് എണ്ണാവുന്നവര് മാത്രമാണ് ഇന്ത്യയില് നിന്ന് ഇതുവരെ ഐഎസില് ചേര്ന്നിട്ടുള്ളത്. വീട്ടുകാരുടെ ശ്രമഫലമായി അവര് തിരിച്ചുവരുന്നുണ്ട്. ഇന്ത്യന് ദേശീയതയുമായി അവര് അത്രത്തോളം അടുത്തു നില്ക്കുന്നതിനാലാണിതെന്നും രാജ്നാഥ് സിങ് പറഞ്ഞു. രാജ്യാന്തര ഭീകരവാദ വിരുദ്ധ കോണ്ഫറന്സില് സംസാരിക്കുകയായിരുന്നു രാജ്നാഥ് സിംഗ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
