ഉത്തര്‍പ്രദേശിലെ റായ്ബറേലിയില്‍ ട്രെയിന്‍ പാളം തെറ്റി 15 പേര്‍ മരിച്ചതായി റിപ്പോര്‍ട്ട്. ഡൊറാഡൂണ്‍-വാരണാസി ജനതാ എക്‌സ്പ്രസിന്റെ (1422) എഞ്ചിനും രണ്ടു കോച്ചുകളുമാണ് പാളം തെറ്റിയത്. അന്‍പതില്‍ കൂടുതല്‍ പേര്‍ക്ക് പരിക്കേറ്റതായാണ് റിപ്പോര്‍ട്ട്. ദുരന്തനിവാരണ സേനയും റയില്‍വേയുടെ സംഘവും സംഭവസ്ഥലത്തേക്ക് പുറപ്പെട്ടു. മരണ നിരക്ക് ഉയര്‍ന്നേക്കുമെന്ന് റയില്‍വേ ഉദ്യോഗസ്ഥര്‍ അറിയിച്ചു.

സ്‌റ്റേഷനില്‍ ട്രെയിന്‍ നിര്‍ത്താന്‍ ശ്രമിക്കുന്നതിനിടെയാണ് അപകടമുണ്ടായത്. ബ്രേക്ക് തകരാറിലായതാണ് അപകടത്തിന് കാരണമെന്നാണ് റെയില്‍വേയുടെ പ്രാഥമിക നിഗമനം. എഞ്ചിനും ജനറല്‍ കംപാര്‍ട്ട്‌മെന്റും ഗാര്‍ഡ് കംപാര്‍ട്ടുമെന്റുമാണ് അപകടത്തില്‍പെട്ടത്. ബോഗികള്‍ രണ്ടും പരസ്പരം ഇടിച്ചു കയറിയ നിലയിലാണ്. അപകടത്തില്‍ മരിച്ചവരുടെ ബന്ധുക്കള്‍ക്ക് യുപി സര്‍ക്കാര്‍ രണ്ടു ലക്ഷം രൂപാ വീതം ധനസഹായം പ്രഖ്യാപിച്ചു. പരുക്കേറ്റവര്‍ക്ക് 50,000 രൂപാ വീതം നല്‍കും. സംഭവത്തെക്കുറിച്ച് റയില്‍വേ അന്വേഷണം ആരംഭിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha