രാജ്യത്ത് കൊവിഡ് വൈറസ് ബാധിതരുടെ എണ്ണം 40,000 കടന്നു. കഴിഞ്ഞ 24 മണിക്കൂറിനിടെ 2487 പുതിയ കേസുകളാണ് റിപ്പോര്‍ട്ട് ചെയ്തത്. ഇതോടെ രോഗികളുടെ എണ്ണം 40,263 ആയി വർധിച്ചു. ഇതില്‍ 28,332 പേരാണ് ചികിത്സയിലുള്ളത്. 11018 പേര്‍ രോഗമുക്തരായി. ഇതുവരെ 1306 പേര്‍ കൊവിഡ് ബാധിച്ചു മരിച്ചതായി കേന്ദ്ര ആരോഗ്യമന്ത്രാലയം വ്യക്തമാക്കി. 24 മണിക്കൂറിനിടെ 83 പേര്‍ മരിച്ചു. സംസ്ഥാനത്ത് ഇന്ന് ഒരു കോവിഡ് കേസുമില്ല; കാസര്‍കോട് സ്വദേശിയുടെ ഫലം നെഗ​റ്റീവായി..

കൊവിഡ് ഏ​റ്റവുമധികം ബാധിച്ച മഹാരാഷ്ട്രയില്‍ രോഗികളുടെ എണ്ണം 12,296 ആയി. 2000 പേരുടെ രോഗം ഭേദമായപ്പോള്‍ 521 പേര്‍ മരണത്തിനു കീഴടങ്ങി. ആന്ധ്രപ്രദേശ് (1583), ഡല്‍ഹി (4122), ഗുജറാത്ത് (5055), മധ്യപ്രദേശ് (2846), രാജസ്ഥാന്‍ (2772), തമിഴ്നാട് (2757), തെലങ്കാന (1063), ഉത്തര്‍പ്രദേശ് (2626) എന്നിവടങ്ങളാണ് ആയിരത്തിലേറേ രോഗികള്‍ ഉള്ള മ​റ്റു സംസ്ഥാനങ്ങള്‍.
അതേസമയം ലോകത്ത് കൊവിഡ് ബാധിതരുടെ എണ്ണം 35 ലക്ഷം കവിഞ്ഞു. 35,06,399 പേര്‍ക്ക് ഇതുവരെ രോഗം സ്ഥിരീകരിച്ചു. 2,45,193 പേര്‍ മരിച്ചു. രോഗബാധിതരില്‍ 11,60,996പേര്‍ അമേരിക്കയിലാണ്.