രാജ്യത്ത് കൊവിഡ് 19 താണ്ഡവം തുടരുകയാണെന്ന് ആരോഗ്യമന്ത്രാലയത്തിന്റെ റിപ്പോര്‍ട്ട്. രാജ്യത്ത് 24 മണിക്കൂറിനിടെ കൊവിഡ് സ്ഥിരീകരിച്ചത് 2573 പേര്‍ക്ക്. 83 പേര്‍ മരിച്ചതായും കേന്ദ്ര ആരോഗ്യമന്ത്രാലയം അറിയിച്ചു. നിലവില്‍ രാജ്യത്ത് 42836 പേര്‍ക്കാണ് കൊവിഡ് സ്ഥിരീകരിച്ചത്. ഇതില്‍ 29685 പേര്‍ വിവിധ ആശുപത്രികളില്‍ ചികിത്സയിലാണ്. 11762 പേര്‍ രോഗമുക്തരായി ആശുപത്രി വിട്ടു. ഇതുവരെ രാജ്യത്ത് 1389 പേരാണ് രോഗബാധയെത്തുടര്‍ന്ന് മരിച്ചതെന്നും കേന്ദ്രസര്‍ക്കാര്‍ അറിയിച്ചു.അതേസമയം രോഗമുക്തരാവുന്നവരുടെ എണ്ണം വര്‍ദ്ധിച്ചു. കൊവിഡ് മുക്തമാവുന്നവരുടെ തോത് 27.52 ശതമാനമായി ഉയര്‍ന്നതായി കേന്ദ്രസര്‍ക്കാര്‍ വ്യക്തമാക്കി. കഴിഞ്ഞ 24 മണിക്കൂറിനിടെ 1074 പേരാണ് രോഗമുക്തി നേടി ആശുപത്രി വിട്ടത്.