കേന്ദ്ര സര്ക്കാര് ലോക്ഡൗണ് പിന്വലിക്കാന് നടത്തുന്ന മുന്നൊരുക്കങ്ങള് വ്യക്തമാക്കണമെന്ന് സോണിയ
കേന്ദ്ര സര്ക്കാര് എന്തെല്ലാം മുന്നൊരുക്കങ്ങളാണ് ലോക്ഡൗണ് പൂര്ണമായി പിന്വലിക്കാന് നടത്തുന്നതെന്ന് വ്യക്തമാക്കണമെന്ന് കോണ്ഗ്രസ് അധ്യക്ഷ സോണിയ ഗാന്ധി ആവശ്യപ്പെട്ടു.
വിഡിയോ കോണ്ഫറന്സ് വഴി കോവിഡ് പ്രതിരോധ നടപടികള് സംബന്ധിച്ചു കോണ്ഗ്രസ് മുഖ്യമന്ത്രിമാരുമായി സോണിയ ചര്ച്ച നടത്തി. ലോക്ഡൗണ് പിന്വലിക്കുന്നതിനുള്ള നടപടികളെക്കുറിച്ചു സംസ്ഥാനങ്ങള് കേന്ദ്രത്തോട് ചോദ്യങ്ങള് ഉന്നയിക്കണമെന്ന് വിഡിയോ കോണ്ഫറന്സില് പങ്കെടുക്കവേ മുന് പ്രധാനമന്ത്രി ഡോ. മന്മോഹന് സിങ് നിര്ദേശിച്ചു.രാഹുല് ഗാന്ധിയും പങ്കെടുത്തു.
കേന്ദ്രം സാമ്പത്തിക പാക്കേജ് അനുവദിക്കാതെ പിടിച്ചുനില്ക്കാനാവില്ലെന്നു മറ്റു മുഖ്യമന്ത്രിമാരായ അശോക് ഗെലോട്ട് (രാജസ്ഥാന്), ഭൂപേഷ് ബാഗല് (ഛത്തീസ്ഗഡ്) എന്നിവര് പറഞ്ഞു. സംസ്ഥാനങ്ങളിലെ യാഥാര്ഥ്യങ്ങള് മനസ്സിലാക്കാതെയാണു കേന്ദ്ര സര്ക്കാര് ഡല്ഹിയിലിരുന്ന് നടപടികള് സ്വീകരിക്കുന്നതെന്നു പഞ്ചാബ് മുഖ്യമന്ത്രി അമരീന്ദര് സിങ് വിമര്ശിച്ചു.
https://www.facebook.com/Malayalivartha
