അവധിക്കാലത്ത് യാതൊരുവിധ അക്കാദമിക്ക് കാര്യങ്ങള്ക്കും കുട്ടികളെ വിളിപ്പിക്കരുതെന്ന് സര്ക്കാര്... രാജ്യതലസ്ഥാനത്തെ സര്ക്കാര്- എയ്ഡഡ് സ്കൂളുകളുടെ വേനലവധി പുനഃക്രമീകരിച്ചു
07 MAY 2020 12:39 PM IST
മലയാളി വാര്ത്ത
കോവിഡ് പ്രതിസന്ധിക്കിടെ രാജ്യതലസ്ഥാനത്തെ സര്ക്കാര്- എയ്ഡഡ് സ്കൂളുകളുടെ വേനലവധി പുനഃക്രമീകരിച്ചു. മേയ് 11 മുതല് ജൂണ് 30 വരെയാണ് വേനലവധി. അവധിക്കാലത്ത് യാതൊരുവിധ അക്കാദമിക്ക് കാര്യങ്ങള്ക്കും കുട്ടികളെ വിളിപ്പിക്കരുതെന്ന് സര്ക്കാര്, സ്കൂളുകള്ക്ക് കര്ശന നിര്ദേശം നല്കിയിട്ടുണ്ട്. രാജ്യവ്യാപകമായി ലോക്ക്ഡൗണ് പ്രഖ്യാപിച്ച സാഹചര്യത്തില് മാര്ച്ച് 23നാണ് ഡല്ഹിയില് സ്കൂളുകള് അടച്ചത്.
കോവിഡ് കേസുകള് അനിയന്ത്രിതമായി വര്ധിച്ച സാഹചര്യത്തില് ലോക്ക്ഡൗണ് നീട്ടിയപ്പോള് സ്കൂളുകള് തുറക്കുന്ന കാര്യം അനിശ്ചിതത്വത്തിലാകുകയായിരുന്നു. അതേസമയം, രാജസ്ഥാന് സര്വകലാശാലയും മുംബൈ സര്വകലാശാലയും വേനലവധി പുനഃക്രമീകരിച്ചിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
