വിപ്ലവം സൃഷ്ടിക്കാന് ഇന്ത്യ; ചൈന ഔട്ട്; പകരം ഇനി ഇന്ത്യ; 1000 കമ്പനികള് ഇന്ത്യയിലേക്ക്; മെഡിക്കല് ഉപകരണനിര്മ്മാണത്തില് ശ്രദ്ധ; ലോക്ക് ഡൗണിനു ശേഷം വേറെ ലെവല് ഇന്ത്യ
മെഡിക്കല് ഉപകരണങ്ങളുടെ നിര്മ്മാണ രംഗത്തെ ചൈന ഇനി ഔട്ടാകും. ചൈനക്ക് പൂര്ണമായും ഒരു പകരക്കാരനായി ഇന്ത്യ മാറും. കൊറോണ വൈറസ് വ്യാപനത്തിന്റെ പശ്ചാത്തലത്തില് ചൈന വിടാനൊരുങ്ങുന്ന കമ്പനികളുമായി ഇന്ത്യ സംഭവ ബഹുലമായ ചര്ച്ച ആരംഭിച്ചു കഴിഞ്ഞു. ആയിരത്തിലധികം കമ്പനികളെയാണ് ഇന്ത്യ വിവിധ തരത്തില് ബന്ധപ്പെട്ടിരിക്കുന്നത്.
മെഡിക്കല് ഉപകരണ മേഖലയിലെ ഭീമന്മാര് എന്ന് അറിയപ്പെടുന്ന ആബട്ട് ലബോറട്ടറീസുമായും ഇന്ത്യ ചര്ച്ച നടത്തിക്കഴിഞ്ഞു. ഇവരുടെ നിര്മ്മാണ കേന്ദ്രങ്ങള് ഇന്ത്യയിലേക്ക് മാറ്റാനായാല് അത് ചൈനക്ക് കനത്ത തിരിച്ചടിയാകും. ഇതിനു പുറമെ, മെഡിക്കല് ഉപകരണങ്ങളുടെ നിര്മ്മാണത്തില് ഇന്ത്യ സ്വയം പര്യാപ്തരായി മാറുകയും ചെയ്യും. ആബട്ട് ലബോറട്ടറീസിന് ഇന്ത്യയില് ശാഖകളുണ്ട്. മുംബൈ ആസ്ഥാനമാക്കി പ്രവര്ത്തിക്കുന്ന കമ്പനി ഇന്ത്യയിലെ വന്കിട ആശുപത്രികളുമായി സഹകരിച്ച് പ്രവര്ത്തിക്കുന്നുമുണ്ട്.
നിര്മ്മാണ മേഖലകളുടെ വികസനം ലക്ഷ്യമിട്ട് കേന്ദ്രസര്ക്കാര് പത്തോളം വ്യവസായങ്ങള്ക്കാണ് മുന്ഗണന നല്കിയിരിക്കുന്നത്. ഇലക്ട്രിക്കല്, മരുന്ന് നിര്മ്മാണം, മെഡിക്കല് ഉപകരണങ്ങള്, ഇലക്ട്രോണിക്സ്, ഹെവി എഞ്ചിനീയറിംഗ്, സൗരോര്ജ്ജ ഉപകരണങ്ങള്, ഭക്ഷ്യ സംസ്കരണം, രാസവസ്തുക്കള്, തുണിത്തരങ്ങള് എന്നിങ്ങനെയുള്ള ബിസിനസുകള് പ്രോത്സാഹിപ്പിക്കാനാണ് കേന്ദ്രസര്ക്കാര് തീരുമാനിച്ചിരിക്കുന്നത്. മൊത്തം 550 ഉല്പ്പന്നങ്ങള് ഇത്തരത്തില്മുന്ഗണനാ പട്ടികയിലുണ്ട്.
ചൈനയില് നിന്ന് ബിസിനസ് അവസാനിപ്പിക്കുന്നവരെ ഇന്ത്യയിലേക്ക് ആകര്ഷിക്കുന്നതിനായി 461,589 ഹെക്ടര്സ്ഥലമാണ് കണ്ടെത്തിയിരിക്കുന്നത്. വിദേശ കമ്പനികള് ബിസിനസ് ആരംഭിക്കാന് സ്ഥല ലഭ്യതക്കാണ് മുന്ഗണന നല്കുന്നത്. അതിനാല് തന്നെ പ്രധാനമന്ത്രി നരേന്ദ്ര മോദിയുടെ നേതൃത്വത്തില് വിവിധ സംസ്ഥാനങ്ങളുമായി സഹകരിച്ച് വിദേശ കമ്പനികളെ ഇന്ത്യയിലേക്ക് ആകര്ഷിക്കാനാണ് കേന്ദ്രസര്ക്കാരിന്റെ ശ്രമം.
https://www.facebook.com/Malayalivartha
