ഇന്ത്യയോട് കളിച്ചാല് ഇങ്ങനെയിരിക്കും; കശ്മീരിലെ പുല്വാമ ജില്ലയില് സുരക്ഷാ സേന ഏറ്റുമുട്ടലില് വധിച്ച ഹിസ്ബുള് മുജാഹിദ്ദീന് ഭീകരന് റിയാസ് നായിക്കൂവിന്റെ മൃതദേഹം സംസ്കരിച്ചു
ഇന്ത്യയോട് കളിച്ചാല് ഇങ്ങനെയിരിക്കും. കശ്മീരിലെ പുല്വാമ ജില്ലയില് സുരക്ഷാ സേന ഏറ്റുമുട്ടലില് വധിച്ച ഹിസ്ബുള് മുജാഹിദ്ദീന് ഭീകരന് റിയാസ് നായിക്കൂവിന്റെ മൃതദേഹം സംസ്കരിച്ചു. സ്വദേശമായ ഗുല്സാര്പോര ബീഗ്പോറയില് നിന്ന് 100 കിലോമീറ്റര് അകലെയാണ് റിയാസിന്റെ മൃതദേഹം സംസ്കരിച്ചത്.
ആള്ക്കൂട്ടം ഒഴിവാക്കുന്നതിനായാണ് സംസ്കാരം മറ്റൊരിടത്തേക്ക് മാറ്റിയതെന്ന് അധികൃതര് അറിയിച്ചു. നായിക്കൂവിന്റെ കുടുംബാംഗങ്ങള് സംസ്കാര ചടങ്ങുകളില് പങ്കെടുത്തതായി വ്യക്തമല്ല. 35 കാരനായ റിയാസ് നായിക്കൂവിനെ ഗുല്സാര്പോര ബീഗ്പോറയില് അഞ്ച് മണിക്കൂര് നീണ്ട ഏറ്റുമുട്ടലിന് ശേഷമാണ് വധിച്ചത്. സുരക്ഷാ സേന ഇന്ത്യന് സൈന്യത്തിന്റെ വലിയ വിജയമായാണ് ഇതിനെ വിശേഷിപ്പിക്കുന്നത്.
അതേസമയം, റിയാസ് നായിക്കൂവിനെ വധിച്ചെന്ന വാര്ത്തകള് പുറത്തു വന്നതോടെ വിഘടനവാദികള് മേഖലയില് വ്യാപകമായി അക്രമം അഴിച്ചു വിട്ടിരുന്നു. കല്ലേറില് സുരക്ഷ സേനയുടെ രണ്ട് വാഹനങ്ങള്ക്ക് കേടുപാടുകള് സംഭവിക്കുകയും 16ഓളം പേര്ക്ക് പരിക്കേല്ക്കുകയും ചെയ്തിരുന്നു. കല്ലേറില് പരിക്കേറ്റ ഒരാള് മരിച്ചുവെന്ന് റിപ്പോര്ട്ടുകള് ഉണ്ടായിരുന്നെങ്കിലും അധികൃതര് മരണമൊന്നും സ്ഥിരീകരിച്ചിട്ടില്ല.
നായിക്കൂവിന്റെ വീടിനടുത്ത് ഭൂഗര്ഭ ഒളിത്താവളം നിര്മ്മിച്ച ശേഷമാണ് സുരക്ഷാ സേനയുടെ ഓപ്പറേഷന് നടന്നത്. ഈ ഒളിത്താവളം നിര്മ്മിച്ച ആളുകള് തന്നെയാണ് സുരക്ഷാ സേനയെ ലക്ഷ്യസ്ഥാനത്തേക്ക് നയിച്ചതെന്ന് ജമ്മു കശ്മീര് പോലീസ് ജനറല് ദില്ബഗ് സിംഗ് പറഞ്ഞു. പാകിസ്താന് അനുകൂല, വിഘടനവാദ പ്രചാരണം നടത്തിയിരുന്ന ഇയാള് നിരവധി സന്ദര്ഭങ്ങളില് വീഡിയോ, ഓഡിയോ സന്ദേശങ്ങള് പ്രചരിപ്പിക്കുകയും പോലീസുകാര്ക്കും സുരക്ഷാ സേനയ്ക്കും സാധാരണക്കാര്ക്കും നേരെ നിരവധി ആക്രമണങ്ങള് നടത്തുകയും ചെയ്തിരുന്നു എന്നും ദില്ബഗ് സിംഗ് വ്യക്തമാക്കി.
https://www.facebook.com/Malayalivartha
