രാജ്യം ലോക്ഡൗണിലായിട്ടും കോവിഡ് രോഗികളുടെ എണ്ണം ദിനംപ്രതി വര്‍ധിക്കുന്നു. കഴിഞ്ഞ 24 മണിക്കൂറിനിടെ രാജ്യത്ത് 3,277 പുതിയ കോവിഡ് കേസുകള്‍ റിപ്പോര്‍ട്ട് ചെയ്തു. 128 പേര്‍ മരിക്കുകയും ചെയ്തു. രാജ്യത്ത് ഇതോടെ കൊറോണ വൈറസ് ബാധിതരുടെ എണ്ണം 62,939 ആയി ഉയര്‍ന്നു. മരിച്ചവരുടെ സംഖ്യ 2,109 ആകുകയും ചെയ്തു- കേന്ദ്ര ആരോഗ്യമന്ത്രാലയം അറിയിച്ചു.

രാജ്യത്തെ കോവിഡ് രോഗികളുടെ 50 ശതമാനവും അഞ്ച് പ്രധാന നഗരങ്ങളില്‍നിന്നാണ്. ഡല്‍ഹി, മുംബൈ, പൂന, അഹമ്മദാബാദ്, ചെന്നൈ എന്നീ നഗരങ്ങളാണ് കൊറോണ പ്രഭവകേന്ദ്രങ്ങളായി മാറിയിരിക്കുന്നത്. ഇതില്‍ മഹാനഗരമായ മുംബൈയിലെ സ്ഥിതി ആശങ്കാജനകമാണ്