അഞ്ച് എയര് ഇന്ത്യ പൈലറ്റുമാര്ക്ക് കൊറോണ വൈറസ് ബാധ സ്ഥിരീകരിച്ചു. മുംബൈ കേന്ദ്രമാക്കി പ്രവര്ത്തിക്കുന്ന പൈലറ്റുമാര്ക്കാണ് രോഗം സ്ഥിരീകരിച്ചിട്ടുള്ളത്.

ഡ്യൂട്ടിക്ക് നിയോഗിക്കുന്നതിന് 72 മണിക്കൂര് മുമ്ബ് നടത്തിയ പ്രീ-ഫ്ളൈറ്റ് കോവിഡ് പരിശോധനയിലാണ് ഇവര്ക്ക് രോഗം കണ്ടെത്താനായത്.

ആരും രോഗലക്ഷണങ്ങള് കാണിച്ചിരുന്നില്ല. ഇവര് ചൈനയിലേക്ക് അടുത്തിടെ ചരക്കു വിമാനങ്ങള് പറത്തിയിരുന്നതായും എയര് ഇന്ത്യ അറിയിച്ചു.

മെഡിക്കല് ഉപകരണങ്ങളും മറ്റുമായിട്ടായിരുന്നു സര്വീസ്. കോവിഡ് രോഗം ഏറ്റവും കൂടുതല് ബാധിച്ച ന്യൂയോര്ക്ക് നഗരത്തിലേക്കുള്പ്പെടെ എയര് ഇന്ത്യ ഇന്ത്യക്കാരെ കൊണ്ടുവരാന് പോകുന്നുണ്ട്.

സര്ക്കാര് നിര്ദേശ പ്രകാരം ഇന്ത്യക്കാരെ തിരികെയെത്തിക്കാനായി പോകുന്ന വിമാനങ്ങളിലെ ജീവനക്കാര് പുറപ്പെടുന്നതിന് മുന്പും തിരിച്ചെത്തിയ ശേഷവും സ്രവ പരിശോധന നടത്തേണ്ടതുണ്ട്.