രാജസ്ഥാനിൽ കോവിഡ് ബാധിതരുടെ എണ്ണം 10,000 കവിഞ്ഞു. മഹാരാഷ്ട്ര, തമിഴ്നാട്, ഡൽഹി, ഗുജറാത്ത് എന്നീ സംസ്ഥാനങ്ങൾക്ക് ശേഷം കോവിഡ് ബാധിതരുടെ എണ്ണം 10,000 കടക്കുന്ന സംസ്ഥാനമാണ് രാജസ്ഥാൻ.

ഇന്നലെവരെ 10,128 പേർ ആണ് ഇവിടെ രോഗികളായത് . ഇതിൽ 7384 പേരും സുഖം പ്രാപിച്ചു. 219 പേർ മരണമടഞ്ഞു. ഇതു രണ്ടും ദേശീയ ശരാശരിയേക്കാൾ മികച്ച നിലവാരമാണ്. ഇപ്പോൾ 2525 പേർ ചികിൽസയിലുണ്ട്.

വെള്ളിയാഴ്ച മുംബൈയിൽനിന്നുള്ള ട്രെയിനിൽ ജയ്പൂരിലെത്തിയ സ്ത്രീ പ്ലാറ്റ്ഫോമിൽ കുഴഞ്ഞു വീണു മരിച്ചതോടെയാണ് കോവി‍ഡ് മരണ സംഖ്യ 219 ആയത് . തുടർന്നു നടത്തിയ പരിശോധനയിലാണ് ഇവർക്കു കോവിഡ് സ്ഥിരീകരിച്ചത്