ടിക്‌ടോക് വീഡിയോയ്ക്കായി സാഹസം കാണിച്ച യുവാവിന് ദാരുണ അന്ത്യം . ടിക്‌ടോക് വീഡിയോ ചിത്രീകരിക്കാൻ ജീവനുള്ള മീനിനെ വിഴുങ്ങിയ യുവാവ് ശ്വാസംമുട്ടി മരിക്കുകയായിരുന്നു . ഹൊസൂർ പാർവതി നഗറിൽ താമസിക്കുന്ന എസ്. വെട്രിവേലാണ് (22) മരിച്ചത്. പോസ്റ്റ്മോർട്ടത്തിനുശേഷം മൃതദേഹം ബന്ധുക്കൾക്ക് വിട്ടു നൽകുകയും ചെയ്തു . സംഭവത്തിൽ പൊലീസ് അന്വേഷണം തുടങ്ങി കഴിഞു .

തേർപേട്ടയ്ക്കടുത്തുള്ള തടാകക്കരയിലാണ് സംഭവം. യുവാവും ഒപ്പമുള്ളവരും മദ്യലഹരിയിലായിരുന്നു. തടാകത്തിൽ മീൻപിടിക്കുന്നതിനിടെ വെട്രിവേൽ ഉൾപ്പെടെയുള്ളവർ, മീൻ വിഴുങ്ങുന്ന ദൃശ്യങ്ങൾ ചിത്രീകരിച്ച് ടിക്‌ടോക്കിലിടാൻ തീരുമാനിക്കുകയായിരുന്നുവെന്നാണ് വിവരം. ഇതേ തുടർന്ന് ജീവനുള്ള മീൻ വിഴുങ്ങിയ വെട്രിവേൽ ഗുരുതരനിലയിലായി. ഹൊസൂരിലെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. രണ്ട് സുഹൃത്തുക്കൾക്കൊപ്പം മീൻപിടിക്കാനായാണ് വെട്രിവേൽ തടാകത്തിലെത്തിയത്. പിടികൂടിയ മത്സ്യത്തെ വിഴുങ്ങി അതിന്റെ വീഡിയോ ടിക്‌ടോക്കിലിടാമെന്ന് സുഹൃത്തുക്കൾ ചേർന്ന് തീരുമാനിച്ചു .

.
അങ്ങനെ വെട്രിവേൽ മീൻ വിഴുങ്ങി. സുഹൃത്തുക്കൾ ഇതിന്റെ വീഡിയോ ചിത്രീകരിച്ചുകൊണ്ടിരുന്നപ്പോൾതന്നെ യുവാവ് ശ്വാസംകിട്ടാതെ ഗുരുതരനിലയിലാകുകയായിരുന്നു .കെട്ടിടനിർമാണ തൊഴിലാളിയായിരുന്നു വെട്രിവേൽ. യുവാവ് മദ്യലഹരിയിലായിരുന്നു എന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. അതേസമയം സംഭവവുമായി ബന്ധപ്പെട്ട് ഒരു വീഡിയോയും കണ്ടെത്തിയിട്ടില്ലെന്നും വെട്രിവേലിന്‍റെ സുഹൃത്തുക്കളെ കേന്ദ്രീകരിച്ച്‌ അന്വേഷണം നടക്കുന്നുണ്ടെന്നും പൊലീസ് അറിയിച്ചു. ജൂണ്‍ 10നായിരുന്നു വെട്രിവേലും സുഹൃത്തുക്കളും മീന്‍പിടിക്കാനായി തെര്‍പേട്ടൈ പ്രദേശത്തെ നദിക്കരയില്‍ പോയ്തു. അവിടെ വച്ച്‌ മദ്യപിക്കുകയും ചെയ്‌തു. തുടര്‍ന്ന് സുഹൃത്തുക്കള്‍ക്കൊപ്പം ടിക് ടോക് വീഡിയോ പകര്‍ത്താന്‍ വേണ്ടി വെട്രിവേല്‍ ജീവനുള്ള മീനിനെ വിഴുങ്ങാന്‍ ശ്രമിച്ചപ്പോഴാണ് ഇത്തരത്തിൽ ഒരു അപകടമുണ്ടായതും ജീവൻ നഷ്ടമായതും.