ഡല്‍ഹിയിലെ ആശുപത്രിക്കെതിരെ ഗുരുതര ആരോപണവുമായി ടെലിവിഷന്‍ താരം ദീപിക സംഗി. കൊവിഡ് സ്ഥിരീകരിച്ച തന്റെ മാതാവിന് രോഗം സ്ഥിരീകരിച്ച ഡല്‍ഹിയിലെ ആശുപത്രി അധിക‌ൃതര്‍ പരീശോധന ഫലം നല്‍കുന്നില്ലെന്നാണ് താരത്തിന്റെ പരാതി.ഡല്‍ഹിയിലെ ആശുപത്രിയില്‍ തന്റെ മാതാവിന് ചികിത്സ നിഷേധിച്ചുവെന്നും താരം പറയുന്നു. സര്‍ക്കാരിന്റെയും ജനങ്ങളുടെയും സഹായം അഭ്യര്‍ത്ഥിച്ച്‌ കൊണ്ട് താരം തന്നെയാണ് ഈ കാര്യം സോഷ്യല്‍ മീഡിയയിലൂടെ അറിയിച്ചത്. കഴിഞ്ഞ വെളളിഴാഴ്ചയാണ് ദീപികയുടെ മാതാവിന് കൊവിഡ് സ്ഥിരീകിച്ചത്. .

59 വയസുളള പ്രായമായ മാതാവ് ഇപ്പോള്‍ വീട്ടിലില്‍ നിരീക്ഷണത്തിലാണെന്നും കൂട്ടുകുടുംബമായതിനാല്‍ രോഗം മറ്റുളളവരിലേക്ക് പകരാന്‍ സാദ്ധ്യതയുണ്ടെന്നും താരം പറയുന്നു. ബന്ധപ്പെട്ട അധികാരികള്‍ ഇത് കണ്ട് നടപടി കൈകൊളളുമെന്നാണ് പ്രതീക്ഷയെന്നും ചികിത്സ ലഭിച്ചാല്‍ അമ്മയുടെ അസുഖം ഭേദമാകുമെന്നും താരം പറയുന്നു. പ്രധാനമന്ത്രി നരേന്ദ്ര മോദിക്കും ഡല്‍ഹി മുഖ്യമന്ത്രി കെജരിവാളിനും ദീപിക പോസ്റ്റ് ടാഗ് ചെയ്തിട്ടുണ്ട്. ലോക്ക്ഡൗണ്‍ മൂലം ദീപിക ഇപ്പോള്‍ മുംബയിലാണ്.