മോദി കളത്തിൽ; പ്രതിരോധ പ്രവര്ത്തനങ്ങള് ഏകോപിപ്പിക്കാന് പ്രധാനമന്ത്രി ഇടപെടുന്നു
കൊവിഡ് രോഗബാധ ഡല്ഹിയില് ആശങ്കാജനകമായി ഉയരുകയാണ്. ഈ സാഹചര്യം നിലനിൽക്കെ പ്രതിരോധ പ്രവര്ത്തനങ്ങള് ഏകോപിപ്പിക്കാന് പ്രധാനമന്ത്രി ഇടപെടുന്നു. മുഖ്യമന്ത്രി അരവിന്ദ് കെജരിവാളുമായും ലഫ്റ്റനന്റ് ഗവര്ണര് അനില് ബായിജാലുമായി അടിയന്തര ചര്ച്ച നടത്താന് കേന്ദ്ര ആഭ്യന്തര മന്ത്രി അമിത് ഷായ്ക്കും ആരോഗ്യമന്ത്രി ഹര്ഷവര്ദ്ധനും പ്രധാനമന്ത്രി നിര്ദ്ദേശം നല്കി.
കേന്ദ്ര, സംസ്ഥാന സര്ക്കാരുകളിലെ മുതിര്ന്ന ഉദ്യോഗസ്ഥരുടെ ഉദ്യോഗസ്ഥരുടെ സാന്നിദ്ധ്യത്തിലായിരിക്കണം ചര്ച്ചയെന്നും പ്രധാനമന്ത്രി നിര്ദേശിച്ചു. കൊവിഡ് പ്രതിരോധത്തില് കേന്ദ്ര - സംസ്ഥാന സര്ക്കാരുകളുടെ സഹകരണം ഉറപ്പാക്കണമെന്നും മോദി നിര്ദ്ദേശിച്ചു. രാജ്യത്ത് നിലവിലുള്ള കൊവിഡ് വ്യാപനം വിലയിരുത്താന് ചേര്ന്ന ഉന്നതതല യോഗത്തിലായിരുന്നു പ്രധാനമന്ത്രിയുടെ നിര്ദ്ദേശം. കേന്ദ്ര ആഭ്യന്തരമന്ത്രി അമിത് ഷാ, ആരോഗ്യമന്ത്രി ഡോ ഹര്ഷ വര്ദ്ധന്, കാബിനറ്റ് സെക്രട്ടറി രാജീവ് ഗൗബെ തുടങ്ങിയവര് യോഗത്തില് പങ്കെടുത്തു.
https://www.facebook.com/Malayalivartha
