മാസ്ക് ധരിച്ചില്ലെങ്കില് 5000 രൂപ പിഴയും ആറു മാസം തടവും .... കോവിഡ് വ്യാപനത്തിന്റെ പശ്ചാത്തലത്തില് കേരളത്തിനും ഒഡീഷയ്ക്കും പിന്നാലെ എപ്പിഡമിക് ആക്ടില് ഭേദഗതി വരുത്തുന്ന മൂന്നാമത്തെ സംസ്ഥാനമാണ് ഉത്തരാഖണ്ഡ്
മാസ്ക് ധരിക്കാതെ പുറത്തിറങ്ങിയാല് ഉത്തരാഖണ്ഡില് ആറുമാസം തടവും 5000 രൂപ പിഴയും ലഭിച്ചേക്കാം. ഇതുസംബന്ധിച്ച ഓര്ഡിനന്സിന് ഗവര്ണര് അംഗീകാരം നല്കിയതായി ഒരു ദേശീയ ചാനല് റിപ്പോര്ട്ടു ചെയ്തു. മാസ്ക് നിര്ബന്ധമാക്കിക്കൊണ്ട് എപ്പിഡമിക് ഡിസീസസ് ആക്ടിലെ രണ്ടും മൂന്നും വകുപ്പുകളാണ് സര്ക്കാര് ഭേദഗതി ചെയ്തത്.
കോവിഡ് വ്യാപനത്തിന്റെ പശ്ചാത്തലത്തില് കേരളത്തിനും ഒഡീഷയ്ക്കും പിന്നാലെ എപ്പിഡമിക് ആക്ടില് ഭേദഗതി വരുത്തുന്ന മൂന്നാമത്തെ സംസ്ഥാനമാണ് ഉത്തരാഖണ്ഡ്. നിയമ ഭേദഗതി പ്രാബല്യത്തില് വന്നുകഴിഞ്ഞു.
ഗുജറാത്തിലെ അഹമ്മദാബാദ് നഗരത്തിലും മാസ്ക് ധരിക്കാത്തവര്ക്ക് 5000 രൂപയാണ് പിഴ. മാസ്ക് ധരിച്ചില്ലെങ്കില് ഡല്ഹിയില് 1000 രൂപയും യു.പിയില് 500 രൂപയും ഛത്തീസ്ഗഢില് നൂറ് രൂപയും പിഴ നല്കേണ്ടിവരും. കോവിഡ് കേസുകള് 1700 കടക്കുകയും 21 പേര് മരിക്കുകയും ചെയ്തതോടെയാണ് ഉത്തരാഖണ്ഡ് മാസ്ക് ധരിക്കാത്തവര്ക്ക് തടവും പിഴയും ലഭിക്കുന്ന തരത്തില് നിയമം ഭേദഗതി ചെയ്തിട്ടുള്ളത്. ക്വാറന്റീന് ചട്ടങ്ങളും കടുപ്പിച്ചിട്ടുണ്ട്.അതെ സമയം കോവിഡ് 19 രോഗികള് ധരിച്ച മാസ്ക് ഉപയോഗ ശേഷം എന്തു ചെയ്യണമെന്ന സംശയത്തിന് ഉത്തരവുമായി കേന്ദ്ര ആരോഗ്യ കുടുംബക്ഷേമ മന്ത്രാലയം.
അഞ്ച് ശതമാനം വീര്യമുള്ള ബ്ലീച്ച് ലായനി ഉപയോഗിച്ചോ ഒരു ശതമാനം വീര്യമുള്ള സോഡിയം ഹൈപ്പോ ക്ലോറൈറ്റ് ലായനി ഉപയോഗിച്ചോ അണുവിമുക്തമാക്കിയ ശേഷം നശിപ്പിച്ചു കളയണമെന്നാണ് മന്ത്രാലയം ഉത്തരവില് പറയുന്നത്. നിയന്ത്രണാതീതമായി കുന്നുകൂടിയാല് ഇത്തരം മാസ്ക്കുകള് ഇന്സിനറേറ്ററുകളില് ഇട്ട് കത്തിച്ചു കളയുകയോ ആഴത്തില് കുഴിച്ചിടുകയോ ചെയ്യുന്നതാവും ഉചിതമെന്നും മന്ത്രാലയം പുറത്തിറക്കിയ ചട്ടത്തില് പറയുന്നു.
ഉപയോഗിച്ച മാസ്ക് ഒരു കാരണവശാലും വീണ്ടും ഉപയോഗിക്കരുത്. കഴുത്തില് തൂക്കിയിട്ടു നടക്കരുത്. 6 മുതല് 8 വരെ മണിക്കൂറില് കൂടുതല് ഉപയോഗിക്കാതിരിക്കുന്നാണ് നല്ലത്. മാസ്ക് നീക്കം ചെയ്യുമ്പോള് അണുബാധയ്ക്കു സാധ്യതയുള്ളതിനാല് വള്ളിയില് (സ്ട്രിങ്) പിടിച്ച് മാത്രമേ എടുക്കാവൂ.
സോപ്പും വെള്ളവും ഉപയോഗിച്ച് 40 സെക്കന്ഡ് കൈകഴുകിയാല് വൈറസിനെ ഒരു പരിധിവരെ തടയാം. 70 ശതമാനം ആല്ക്കഹോള് കലര്ന്ന സാനിറ്റൈസറാണെങ്കില് 20 സെക്കന്ഡ് ഇരുകൈകളും കൂട്ടി തിരുമ്മുകയും വിരലുകള് പരസ്പരം കോര്ത്ത് ലായനി തേച്ചു പിടിപ്പിക്കുകയും ചെയ്യണം. കൈകളില് അഴുക്കു പറ്റിയിട്ടുണ്ടെങ്കില് സോപ്പും വെള്ളവും മാത്രം ഉപയോഗിക്കുക.
ആരോഗ്യമുള്ള ആള് മാസ്ക് ധരിക്കുന്നതുമൂലം രോഗ പ്രതിരോധം ലഭിക്കും എന്നതിന് ശാസ്ത്രീയ തെളിവില്ല. മറിച്ച് കൂടുതല് സമയം മാസ്ക് ധരിക്കുന്നത് രോഗത്തിലേക്ക് വലിച്ചടുപ്പിക്കും. രോഗമില്ലാത്തവര് മാസ്ക് ഉപയോഗിക്കുന്നതില് മറ്റൊരു അപകടവുമുണ്ട്: മാസ്ക് ഉണ്ടെന്ന ധാരണയില് സോപ്പോ സാനിറ്റൈസറോ ഉപയോഗിച്ചു കൈകഴുകുക എന്ന പ്രാഥമികവും സുപ്രധാനവുമായ കര്ത്തവ്യം മറന്നേക്കാം.പനി ബാധിച്ചവരും പനിയുണ്ടെന്ന് സംശയമുള്ളവരും മാസ്ക് ധരിക്കണം. കൈ കഴുകുകയും വേണം. ആശുപത്രിയില് പോകുന്നവരും രോഗിയെ ശുശ്രൂഷിക്കുന്നവരും രോഗം സംശയിക്കുന്നവരുടെ ബന്ധുക്കളും 3 പാളികളുള്ള മെഡിക്കല് മാസ്ക് ധരിക്കണം.
https://www.facebook.com/Malayalivartha
