ഇനി അതിര്ത്തികള് സേനകള് തമ്മില് പുകച്ചിലില്ല ... ഇന്ത്യ ചൈന അതിര്ത്തിയില് സ്ഥിതിഗതികള് നിയന്ത്രണവിധേയമാണെന്നും ഘട്ടംഘട്ടമായുള്ള പിന്മാറ്റം ഇരു സേനകളും ആരംഭിച്ചുവെന്നും കരസേനാ മേധാവി ജനറല് എം.എം. നരവനെ....
ഇന്ത്യ ചൈന അതിര്ത്തിയില് സ്ഥിതിഗതികള് നിയന്ത്രണവിധേയമാണെന്നും ഘട്ടംഘട്ടമായുള്ള പിന്മാറ്റം ഇരു സേനകളും ആരംഭിച്ചുവെന്നും കരസേനാ മേധാവി ജനറല് എം.എം. നരവനെ. ചൈനയുമായി തുടര്ന്നു വരുന്ന അതിര്ത്തി പ്രശ്നം നിലവില് നിയന്ത്രണ വിധേയമാണ്. കമാന്ഡര്മാരടക്കമുള്ളവരുമായി നിലവില് കാര്യങ്ങള് ചര്ച്ച ചെയ്യുന്നുണ്ട്,' നരവാണെ പറഞ്ഞു.ജൂണ് ആറിന് നടന്ന ചര്ച്ചയ്ക്ക് ശേഷം ഇരു രാജ്യങ്ങളും ഔദ്യോഗിക വിശദീകരണങ്ങളൊന്നും വന്നിരുന്നില്ല.
ലഡാക്കിലെ ഗല്വാന് വാലിയെ സംബന്ധിച്ച് യാതൊരു പ്രതികരണവും നടത്താന് തയ്യാറായില്ലെന്ന് ചൈന അറിയിച്ചതായി ഇന്ത്യന് സൈനിക കാര്യ വിദഗ്ധനും മുന് സൈനികനുമായ അജയ് ശുക്ല വയറിന്റെ റിപ്പോര്ട്ടില് പറയുന്നു.കിഴക്കന് ലഡാക്കില് യഥാര്ഥ നിയന്ത്രണ രേഖയോടു (എല്എസി) ചേര്ന്നുള്ള ഗല്വാന് താഴ്വരയില് നിന്നാണു പിന്മാറ്റം ആരംഭിച്ചിരിക്കുന്നത്. സേനാ പിന്മാറ്റം സംബന്ധിച്ച് കരസേനയില് നിന്നുള്ള ആദ്യ ഔദ്യോഗിക പ്രതികരണമാണിത്. ഇരുരാജ്യങ്ങളും തമ്മില് നടക്കുന്ന ചര്ച്ചകളിലൂടെ അതിര്ത്തിത്തര്ക്കം പരിഹരിക്കാനാവുമെന്ന് അദ്ദേഹം പ്രതീക്ഷ പ്രകടിപ്പിച്ചു. സ്ഥിതിഗതികള് വരും ദിവസങ്ങളില് മെച്ചപ്പെടുമെന്നുമാണ് അദ്ദേഹത്തിന്റെ അഭിപ്രായം. അതേസമയം, ഗല്വാന്, ഹോട്സ്പ്രിങ്സ് എന്നിവിടങ്ങളില് നിന്നു പൂര്ണമായി പിന്മാറാന് ചൈന ഇനിയും തയാറായിട്ടില്ലെന്നു സേനാ വൃത്തങ്ങള് പറഞ്ഞു.
പാംഗോങ് തടാകത്തോടു ചേര്ന്ന് ഇന്ത്യന് സേനയുടെ പട്രോളിങ് തടസ്സപ്പെടുത്തി നാലാം മലനിരയില് (ഫിംഗര് 4) ചൈനീസ് പട്ടാളം നിലയുറപ്പിച്ചിരിക്കുകയാണ്. ഗല്വാന്, ഹോട്സ്പ്രിങ്സ് എന്നിവിടങ്ങളില് നിന്നുള്ള പൂര്ണ പിന്മാറ്റത്തിന്റെ സൂചനകള് ചൈന നല്കുന്നുണ്ടെങ്കിലും പാംഗോങ് മേഖലയുടെ കാര്യത്തില് കടുംപിടിത്തം തുടരുകയാണ്. '2 ചുവട് മുന്നോട്ടുവച്ച ശേഷം അനുരഞ്ജന ചര്ച്ചകളുടെ ഭാഗമായി ഒരു ചുവട് പിന്നോട്ടു വയ്ക്കുക. അതുവഴി ഒരു ചുവടിന്റെ മുന്നേറ്റം സ്ഥാപിക്കുക.
ഗല്വാനിലെ പിന്മാറ്റത്തെയും പാംഗോങ്ങിലെ പ്രകോപനത്തെയും ഇങ്ങനെ വിശേഷിപ്പിക്കാം' സേനാ വൃത്തങ്ങള് ചൂണ്ടിക്കാട്ടി. കടന്നുകയറ്റങ്ങളില് ചൈനയുടെ പതിവ് രീതിയാണിതെന്നു വിലയിരുത്തുന്ന ഇന്ത്യന് സേന ഒരുതരത്തിലുള്ള വിട്ടുവീഴ്ചയ്ക്കും തയാറല്ലെന്ന നിലപാടിലാണ.് സംഘര്ഷം ആരംഭിക്കുന്നതിന് മുന്പ് കഴിഞ്ഞ ഏപ്രില് അവസാനം അതിര്ത്തിയിലുണ്ടായിരുന്ന സ്ഥിതി പുനഃസ്ഥാപിക്കാതെ മറ്റൊന്നും സ്വീകാര്യമല്ലെന്ന് ഇന്ത്യ അറിയിച്ചിട്ടുണ്ട്. പാംഗോങ് മേഖലയുടെ കാര്യത്തില് തര്ക്കം നീണ്ടാല് ലഫ്. ജനറല് റാങ്കിലുള്ള ഉദ്യോഗസ്ഥര് വീണ്ടും ചര്ച്ച നടത്തും.
"
https://www.facebook.com/Malayalivartha
