ബംഗാളില് ഇടത് പക്ഷം തകര്ന്നടിഞ്ഞിരിക്കുകയാണ് ഇനി നിയമസഭ കാണാന് കോണ്ഗ്രസ് കനിയണം! ഒരിക്കല് ചുവപ്പ് കൊട്ടയെന്ന് അറിയപ്പെട്ട പശ്ചിമ ബംഗാളില് ഇടത് പക്ഷം ഇന്ന് നിലനില്പ്പിനായുള്ള പോരാട്ടത്തില്
ബംഗാളില് ഇടത് പക്ഷം തകര്ന്നടിഞ്ഞിരിക്കുകയാണ് ഇനി നിയമസഭ കാണാന് കോണ്ഗ്രസ് കനിയണം! ഒരിക്കല് ചുവപ്പ് കൊട്ടയെന്ന് അറിയപ്പെട്ട പശ്ചിമ ബംഗാളില് ഇടത് പക്ഷം ഇന്ന് നിലനില്പ്പിനായുള്ള പോരാട്ടത്തിലാണ്. സംസ്ഥാനത്ത് ബിജെപി കടന്ന് കയറിയതോടെ ഇടതുപക്ഷം അപ്രസക്തമായിരിക്കുകയാണ്. സിപിഎം,സിപിഐ,ഫോര്വെര്ഡ് ബ്ലോക്ക്,ആര്.എസ്.പി എന്നീ പാര്ട്ടികള് അടങ്ങുന്നതാണ് പശ്ചിമ ബംഗാളിലെ ഇടത് പക്ഷം.
ബംഗാളില് മമതാ ബാനര്ജിയുടെ നേതൃത്വത്തില് തൃണമൂല് കോണ്ഗ്രസ് അധികാരത്തില് എത്തിയതോടെ ഇടത് പക്ഷത്തിന്റെ തകര്ച്ച തുടങ്ങുകയായിരുന്നു.നന്ദിഗ്രാമിലും സിന്ഗൂരിലും കൃഷി ഭൂമി വ്യവസായ ആവശ്യത്തിന് ഏറ്റെടുത്തതോടെ ആരംഭിച്ച കര്ഷക പ്രക്ഷോഭം ഇടത് പക്ഷത്തിന്റെ തകര്ച്ചയുടെ ആക്കം കൂട്ടുകയും ചെയ്തു,
കഴിഞ്ഞ പാര്ലമെന്റ് തെരഞ്ഞെടുപ്പില് സംസ്ഥാനത്തെ ഒരു സീറ്റില് പോലും വിജയം നേടുന്നതിന് ഇടത് മുന്നണിക്ക് കഴിഞ്ഞില്ല.
തൃണമൂല് കോണ്ഗ്രസിന് കടുത്ത വെല്ലുവിളി ഉയര്ത്തുന്ന ബിജെപി സംസ്ഥാനത്ത് അധികാരം പിടിച്ചെടുക്കുന്നതിനുള്ള തന്ത്രങ്ങള്ക്ക് രൂപം നല്കുകയും ചെയ്യുന്നു.മികച്ച ആസൂത്രണത്തോടെയാണ് ബിജെപിയുടെ പ്രവര്ത്തനം.ജനകീയ മുഖങ്ങള് ഇല്ല എന്ന കുറവ് മറികടന്ന ബിജെപിക്ക് ഇന്ന് സംസ്ഥനത്തെ തങ്ങളുടെനേതാക്കളൊക്കെ ജനകീയരാണെന്ന് പറയുന്നതിന് കഴിയുന്നുമുണ്ട്.
എന്നാല് പശ്ചിമ ബംഗാളില് തങ്ങളുടെ അടിത്തറ എങ്ങനെ തകര്ന്നു എന്ന് ഇനിയും മനസിലാക്കുന്നതിന് ഇടത് മുന്നണിക്ക് കഴിഞ്ഞിട്ടില്ല എന്നതാണ് യാഥാര്ത്ഥ്യം.രണ്ടാം നിര നേതാക്കളെ വളര്ത്തി കൊണ്ട് വരുന്നതിന് സിപിഎം ന് കഴിഞ്ഞില്ല എന്ന ആക്ഷേപം ഉയരുമ്പോള് തന്നെ കാലത്തിനനുസരിച്ച് മാറുന്നതിന് പാര്ട്ടിക്ക് കഴിഞ്ഞോ എന്ന ചോദ്യവും ഉയരുന്നു.പാര്ട്ടി ജനങ്ങളില് നിന്ന് അകന്നത് മനസിലാക്കാന് നേതൃത്വത്തിന് കഴിഞ്ഞില്ല എന്നതാണ് പാര്ട്ടിയുടെ പതനത്തിന് കാരണമായി ചിലര് ചൂണ്ടിക്കാട്ടുന്നത്,
അതേസമയം അടുത്ത നിയമസഭാ തെരഞ്ഞെടുപ്പില് ബിജെപിയും തൃണമൂല് കോണ്ഗ്രസ്സും തമ്മില് ഏറ്റുമുട്ടുമ്പോള് തങ്ങളുടെ പ്രതിനിധികളെ നിയമസഭയില് എത്തിക്കാന് സിപിഎം ന് നന്നായി വിയര്ക്കേണ്ടി വരും,കോണ്ഗ്രസുമായി സഖ്യം രൂപീകരിക്കുകയാണെങ്കില് അത് ചെറിയ ആശ്വാസം നല്കുമെന്ന് ചില ഇടത് നേതാക്കള് കണക്ക് കൂട്ടുന്നു.എന്നാല് കോണ്ഗ്രസ് മമതാ ബാനര്ജിയുടെ തൃണമൂലുമായി സഖ്യം രൂപീകരിക്കാനുള്ള സാധ്യതയും തള്ളിക്കളയാന് കഴിയില്ല.
ഒരിയ്ക്കല് മൃഗീയ ഭൂരിപക്ഷത്തില് പശ്ചിമ ബംഗാള് ഭരിച്ച ഇടത് പാര്ട്ടികള്ക്ക് ഇപ്പോള് നിയമസഭ കാണണമെങ്കില് മറ്റ് പാര്ട്ടികളുടെ കാരുണ്യം ലഭിക്കണം എന്ന അവസ്ഥയാണ്.
"
https://www.facebook.com/Malayalivartha
