അതിര്ത്തിയില് നിരന്തരം പാകിസ്ഥാന് നടത്തുന്ന അക്രമങ്ങളും തീവ്രവാദികളെ നുഴഞ്ഞുകയറാന് പ്രേരിപ്പിക്കുന്നതും ചൈനയുടെ അദൃശ്യ സാന്നിധ്യം കൊണ്ടാണോ?
ന്യായീകരണ തൊഴിലാളികള് ഈ വഴിക്ക് വന്നേക്കരുത്. കാരണം നല്ല ആത്മാഭിമാനമുള്ള ഇന്ത്യാക്കാരന്റെ മുന്നില് വന്ന് ഇനിയും തൊലിച്ച ചൈനയെ ന്യായീകരിച്ചാല് മറുപടി വേറെയായിരിക്കും. മുന് പ്രതിരോധ മന്ത്രി ജോര്ജ് ഫെര്ണാണ്ടസ് ആയിരംവട്ടം പറഞ്ഞതാണ്. നമ്മുടെ നമ്പര് 1 ശത്രു ആരെന്ന് ചോദിച്ചില് കണ്ണുമടച്ച് ഉത്തരം പറയാം ചൈന.
കഴിഞ്ഞ ദിവസങ്ങളിലെ സംഭവങ്ങളുടെ പശ്ചാത്തലത്തില് മാത്രമല്ല പതിറ്റാണ്ടുകളുടെ ചരിത്രം പരിശോധിച്ചാല് അത് തെളിയും. കാരണം ഇന്ത്യ ഒരു വന് ശക്തിയായി ഉയര്ന്നു വരുന്നത് ഒരിക്കലും സഹിക്കാനാവാത്ത രാജ്യമാണ് ചൈന. അതുകൊണ്ട് തന്നെ തങ്ങള്ക്കൊപ്പം പാക്കിസ്ഥാനെയും കൂട്ടുപിടിച്ച് കാര്യങ്ങളെ കൈപിടിച്ച് നയിക്കാനുള്ള ശ്രമമാണ്. എന്നിട്ടും ചൈനയേയും പാക്കിസ്ഥാനെയും ന്യായീകരിക്കാന് ഇറങ്ങുന്ന ചിലരെ കാണുമ്പോള് ഇന്ത്യാക്കാരുടെ പേരു കളയാന് നടക്കുന്ന ചിലരെ കാണുമ്പോള് ന്യായവാദങ്ങള് കാണുമ്പോള് എന്താണ് പറയേണ്ടതെന്ന് അറിയില്ല അതിര്ത്തിയില് നിരന്തരം പാകിസ്ഥാന് നടത്തുന്ന അക്രമങ്ങളും തീവ്രവാദികളെ നുഴഞ്ഞുകയറാന് പ്രേരിപ്പിക്കുന്നതും ചൈനയുടെ അദൃശ്യ സാന്നിധ്യം കൊണ്ടാണോ എന്ന സംശയവും പുതിയ സംഭവ വികാസങ്ങള്ക്കു പിറകിലുണ്ട്.
നേപ്പാള് അടുത്തിടെ നടത്തിയ ചില നീക്കങ്ങളും ഇതിനൊപ്പം ചേര്ത്തുവായിക്കേണ്ടി വരും. കൊറോണ വൈറസ് ലോകം മുഴുവന് ഭീഷണി ഉയര്ത്തിയത് ചൈനയിലെ വുഹാന് മാര്ക്കറ്റില് നിന്നാണെന്നത് സുവ്യക്തമായതാണ്. അതിന്റെ തുടക്കവും വ്യാപനവും പ്രതിരോധ നീക്കങ്ങളും മറ്റും അവര് തുടക്കത്തില് മറച്ചുവെച്ചതിന്റെ നാണക്കേടില് നിന്ന് പുറത്തു കടക്കാനായിട്ടില്ല. അങ്ങനെയിരിക്കെ സംഭവഗതികളെ മറ്റൊരു തലത്തിലേക്ക് കൊണ്ടുപോകാന് സ്വാഭാവികമായും അവര് ശ്രമിക്കും. സ്വന്തം ജനങ്ങള് പോലും സംശയത്തോടെ ഭരണകൂടത്തെ നോക്കുമ്പോള് അവരുടെ ശ്രദ്ധ വഴിതിരിച്ചു വിടാന് ചീനയ്ക്ക് പട്ടാള നടപടിയെ ആശ്രയിക്കാതെ വയ്യ. സ്വാതന്ത്ര്യത്തിനു വേണ്ടി ദാഹിച്ച് വെറുംകയ്യോടെ ടിയാനന്മെന് ചത്വരത്തില് സമാധാനപ്രകടനം നടത്തിയ നവയൗവനങ്ങളെ ടാങ്ക് കയറ്റി കൊന്ന നീച ഭരണകൂടത്തിന് മറ്റെന്താണ് ചെയ്തു കൂടാത്തത്.
പല ലക്ഷ്യങ്ങള് ചീനയുടെ ഇപ്പോഴത്തെ ചെന്നായ് നീക്കത്തിലുണ്ടെങ്കിലും പ്രധാനം ഭാരത അതിര്ത്തിയിലെ റോഡുവികസനം ഉള്പ്പെടെയുള്ളവ തടയുകയെന്നതാണ്. വികസനം ശക്തമാവുകയും എന്തെങ്കിലും ദൗര്ഭാഗ്യകരമായ സംഭവഗതികള് ഉണ്ടാവുകയും ചെയ്താല് സൈനിക നീക്കം ഭാരതത്തിന് പൊടുന്നനെ സാധിക്കുമെന്നതാണ് അവരുടെ ഉറക്കം കെടുത്തുന്നത്. അത് തടയാന് ബോധപൂര്വം പ്രശ്നമുണ്ടാക്കുകയും അന്താരാഷ്ട്ര തലത്തില് ഉന്നയിച്ച് 'തല്സ്ഥിതി നില ' വരുത്താനാണ് ശ്രമം. 1962 ലെ ആത്മവിശ്വാസവും സൈനിക ശക്തിയുമല്ല ഭാരതത്തിന്റേതെന്ന് അറിയാത്തവരല്ല ചീനക്കാരും ഭരണകൂടവും. നേര്വഴിക്കല്ലെങ്കില് ചതിവഴി അവരുടെ ചോരയില് അലിഞ്ഞു ചേര്ന്നതാണ്. അതിന് മറുപടി കൊടുത്തേ മതിയാവൂ. കോവിഡ് കാലത്തെ കയ്യേറ്റം മനുഷ്യത്വമുള്ള ഒരു ഭരണകൂടത്തിന്റേതല്ലെന്ന് സുവ്യക്തമല്ലേ?
https://www.facebook.com/Malayalivartha
