ചൈനയ്ക്ക് പിന്നാലെ പാക്കിസ്ഥാന്റെ മോര്ട്ടാര് ആക്രമണം; ജമ്മുകശ്മീരിലെ നൗകാം സെക്ടറില് പാകിസ്താന് വെടിനിര്ത്തല് കരാര് ലംഘിച്ചതായി ഇന്ത്യന് സൈന്യം
ഇന്ത്യന് പ്രദേശങ്ങള് ഉള്പ്പെടുത്തി ഭൂപടം പരിഷ്ക്കരിക്കാനുള്ള ഭരണഘടന ഭേദഗതി ബില് നേപ്പാള് പാര്ലമെന്റിന്റെ ഉപരിസഭയില് ഇന്ന് അവതരിപ്പിക്കും. സമവായ ചര്ച്ചകള്ക്കായി ഇന്ത്യ നീക്കം നടത്തുന്നതിനിടയിലാണിത്. ദേശീയ അസംബ്ലിയില് ഏകകണ്ഠമായി ബില് പാസാക്കുമെന്നാണ് സൂചന. അധോസഭയായ ജനപ്രതിനിധി സഭ ജൂണ് 13ന് ബില്ലിന് അംഗീകാരം നല്കിയിരുന്നു. പ്രസിഡന്റ് അംഗീകരിക്കുകൂടി ചെയ്താല് ഭൂപട പരിഷ്ക്കരണത്തിന് നിയമപരമായ പ്രാബല്യം ലഭിക്കും. ഉത്തരാഖണ്ഡിന്റ ഭാഗങ്ങളായ കാലാപാനി, ലിപുലേഖ് ചുരം, ലിംപിയാധുര എന്നീ പ്രദേശങ്ങള് സ്വന്തമാണെന്ന് അവകാശപ്പെട്ടാണ് നേപ്പാള് ഭൂപടം പരിഷ്ക്കരിക്കുന്നത്.
ജമ്മുകശ്മീരിലെ നൗകാം സെക്ടറില് പാകിസ്താന് വെടിനിര്ത്തല് കരാര് ലംഘിച്ചതായി ഇന്ത്യന് സൈന്യം. ഇന്നലെ വൈകിട്ടോടെയാണ് പ്രകോപനമില്ലാതെ പാക്സൈന്യം ഷെല്ലാക്രമണം നടത്തിയത്. പ്രദേശത്ത് പാകിസ്താന് നടത്തുന്ന രണ്ടാമത്തെ വെടിനിര്ത്തല് കരാര് ലംഘനമാണ് കഴിഞ്ഞ ദിവസം നടന്നത്. ഇതോടെ ജൂണ് 16ന് മാത്രം മേഖലയില് രണ്ട് തവണയാണ് വെടിനിര്ത്തല് കരാര് പാകിസ്താന് ലംഘിച്ചത്.
കഴിഞ്ഞ കുറച്ച് ദിവസങ്ങളായി നിയന്ത്രണ രേഖയ്ക്ക് സമീപമുള്ള പ്രദേശങ്ങള് പാകിസ്താന് ലക്ഷ്യമിടുന്നതായി റിപ്പോര്ട്ടുകളുണ്ടായിരുന്നു. ജമ്മുകശ്മീരിലെ ഉറി,തങ്ധാര്, മേഖലകളിലെ നിയന്ത്രണ രേഖകളിലും പിര് പഞ്ചലിന്റെ തെക്ക് ഭാഗത്തും പാകിസ്താന് വെടിനിര്ത്തല് കരാര് ലംഘനങ്ങള് നടത്തുന്നതായി റിപ്പോര്ട്ടുകളുണ്ട്. പാകിസ്താന്റെ എല്ലാ സൈനിക മേധാവികളും രഹസ്യാന്വേഷ വിഭാഗം തലവന്മാരും ഒത്തുചേര്ന്നിരിക്കുന്നത് അപ്രതീക്ഷിതമാണെന്നാണ് റിപ്പോര്ട്ട്.കശ്മീര് മേഖലയിലെ ഇന്ത്യയുടെ സൈനികവിന്യാസം, നിലവിലെ ഭരണകൂട സംവിധാനം എന്നിവയെസംബന്ധിച്ച് വിശദമായ ചര്ച്ചകള് നടന്നതായാണ് വിവരം. 2008ലെ ബാലാക്കോട്ട് സംഭവത്തിന് ശേഷം ആദ്യമായാണ് എല്ലാ സൈനിക മേധാവികള് ഐ.എസ്.ഐ ആസ്ഥാനത്ത് ഒന്നിക്കുന്ന തെന്നത് അസാധാരണ നീക്കമായിട്ടാണ് പ്രതിരോധവിദഗ്ദ്ധര് ചൂണ്ടിക്കാട്ടുന്നത്. കശ്മീര് മേഖലയില് പാകിസ്താന് അന്താരാഷ്ട്രമര്യാദകള് ലംഘിക്കുന്ന വാര്ത്തകള് തുടര്ച്ചയായി അമേരിക്കയില് മാദ്ധ്യമങ്ങള് നല്കിവരികയാണ്.
https://www.facebook.com/Malayalivartha
