ഇന്ത്യ-ചൈന അതിര്‍ത്തിയില്‍ സംഘര്‍ഷത്തില്‍ കൊല്ലപ്പെട്ട ബംഗാള്‍ സ്വദേശികളായ സൈനികരുടെ കുടുംബത്തിന് ധനസഹായം പ്രഖ്യാപിച്ച്‌ മുഖ്യമന്ത്രി മമത ബാനര്‍ജി രംഗത്ത്. രാജേഷ് ഒറാങ്ക്, ബിപുല്‍ റോയ് എന്നിവരുടെ കുടുംബങ്ങള്‍ക്കാണ് അഞ്ച് ലക്ഷം രൂപയും അടുത്ത ബന്ധുക്കളിലൊരാള്‍ക്ക് സര്‍ക്കാര്‍ ജോലിയും നല്‍കുമെന്ന് മമത ബാനര്‍ജി ട്വിറ്ററിലൂടെ അറിയിച്ചു.

രാജ്യത്തിന് വേണ്ടിയുള്ള അവരുടെ ത്യാഗത്തിന് പകരം വെക്കാന്‍ മറ്റൊന്നും സാധിക്കില്ല. ആ പ്രതിസന്ധി ഘട്ടത്തില്‍ സൈനികരുടെ കുടുംബത്തിനൊപ്പം നില്‍ക്കുന്നുവെന്നും മമത ട്വിറ്ററില്‍ കുറിച്ചു.

ഇന്ത്യ- ചൈന സംഘര്‍ഷത്തില്‍ ഒരു കേണല്‍ ഉള്‍പ്പെടെ 20 സൈനികരാണ് കൊല്ലപ്പെട്ടത്. പ്രധാനമന്ത്രി നരേന്ദ്രമോദി അടക്കം നിരവധി പേര്‍ വീരമൃത്യൂ വരിച്ച ഇന്ത്യന്‍ പട്ടാളക്കാര്‍ ആദരവര്‍പ്പിച്ചിരുന്നു. ല​ഡാ​ക്കി​ലെ ഗാ​ല്‍​വാ​ന്‍ താ​ഴ്വ​ര​യി​ല്‍ വീ​ര​മൃ​ത്യു​വ​രി​ച്ച സൈ​നി​ക​രു​ടെ ജീ​വ​ത്യാ​ഗം പാ​ഴാ​കി​ല്ലെ​ന്ന് പ്ര​ധാ​ന​മ​ന്ത്രി ന​രേ​ന്ദ്ര മോ​ദി വ്യക്തമാക്കി. ല​ഡാ​ക്ക് സം​ഘ​ര്‍ഷ​ത്തി​ല്‍ പ്ര​തി​ക​രി​ക്കു​ക​യാ​യി​രു​ന്നു അ​ദ്ദേ​ഹം. വിവിധ സംസ്ഥാനങ്ങളില്‍ നിന്നുള്ള മുഖ്യമന്ത്രിമാരുമായി നടത്തിയ വെര്‍ച്വല്‍ കോവിഡ് അവലോകന യോഗത്തിലാണ് പ്രധാനമന്ത്രിയുടെ പ്രതികരണം. വീ​ര​മൃ​ത്യു​വ​രി​ച്ച സൈ​നി​ക​ര്‍​ക്ക് ആ​ദ​രം അ​ര്‍​പ്പി​ച്ച്‌ യോ​ഗ​ത്തി​നു മു​ന്‍​പ് ഒ​രു മി​നി​റ്റ് അ​ദ്ദേ​ഹം മൗ​നം ആ​ച​രി​ക്കു​ക​യും ചെ​യ്തു.

”മാതൃരാജ്യത്തിന് വേണ്ടി ചൈനയുമായി പോരാടിയാണ് സൈനികര്‍ കൊല്ലപ്പെട്ടത്. സൈന്യത്തി​​െന്‍റ ധീരതയില്‍ രാജ്യം അഭിമാനിക്കുന്നു. സമാധാനമാണ് ഇന്ത്യ ആഗ്രഹിക്കുന്നത്. എന്നാല്‍ പ്രകോപനം തുടര്‍ന്നാല്‍ ഉചിതമായ മറുപടി നല്‍കാന്‍ ഇന്ത്യക്ക്​ കഴിയും”-പ്രധാനമന്ത്രി പറഞ്ഞു.

അ​യ​ല്‍ രാ​ജ്യ​ങ്ങ​ളു​മാ​യി ഇ​ന്ത്യ എ​ന്നും ന​ല്ല ബ​ന്ധ​മാ​ണ് പു​ല​ര്‍‌​ത്തി​യ​ത്. എ​ന്നാ​ല്‍ രാ​ജ്യ​ത്തി​ന്‍റെ ഐ​ക്യ​വും പ​ര​മാ​ധി​കാ​ര​വും പ​ര​മ​പ്ര​ധാ​ന​മാ​ണെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി. വെല്ലുവിളി ഉയര്‍ന്ന സന്ദര്‍ഭങ്ങളില്‍ അവയെ നേരിടാനുള്ള ശക്തിയും കഴിവുകളും രാജ്യത്തിനുണ്ട്​​. ത്യാഗവും ഒത്തുതീര്‍പ്പുമാണ്​ രാജ്യത്തിന്റെ ദേശീയ സ്വഭാവം. അതിനൊപ്പം ധൈര്യവും കരുത്തും​ ഉള്‍പ്പെട്ടതാണെന്നും പ്രധാനമന്ത്രി പറഞ്ഞു.