രാജ്യത്ത് വീണ്ടും ലോക്ക്ഡൗണ്‍ ഏര്‍പ്പെടുത്തുമെന്ന അഭ്യൂഹങ്ങള്‍ തള്ളി പ്രധാനമന്ത്രി നരേന്ദ്രമോഡി. രണ്ടാം ഘട്ടത്തില്‍ കൂടുതല്‍ ഇളവുകള്‍ അനുവദിക്കുമെന്നും പ്രധാനമന്ത്രി സൂചന നല്‍കി. വീണ്ടും ലോക്ക്ഡൗണ്‍ ഏര്‍പ്പെടുത്തുമെന്ന തരത്തിലുള്ള അഭ്യൂഹങ്ങള്‍ക്കെതിരെ പോരാടേണ്ടതുണ്ടെന്ന് മുഖ്യമന്ത്രിമാരുമായി നടത്തിയ വീഡിയോ കോണ്‍ഫറന്‍സിന്റെ രണ്ടാം ദിനം പ്രധാനമന്ത്രി പറഞ്ഞു. രണ്ടാം ഘട്ട തുറക്കലിന് തയ്യാറാകാന്‍ അദ്ദേഹം സംസ്ഥാനങ്ങള്‍ക്കും കേന്ദ്രഭരണപ്രദേശങ്ങള്‍ക്കും നിര്‍ദ്ദേശം നല്‍കി. ജനങ്ങളുടെ ദുരിതം എങ്ങനെ ലഘൂകരിക്കാനാകുമെന്ന് സംസ്ഥാനങ്ങള്‍ ശ്രദ്ധിക്കണം. കൂടുതല്‍ സാമ്ബത്തിക പ്രവര്‍ത്തനങ്ങള്‍ക്ക് അനുമതി നല്‍കുമെന്നും പ്രധാനമന്ത്രി പറഞ്ഞു.