ട്വീറ്റിൽ ചൈനയുടെ പേര് നൽകാതെ ഇന്ത്യൻ സൈന്യത്തെ അപമാനിക്കുന്നത് എന്തുകൊണ്ട്? ആഞ്ഞടിച്ച് രാഹുൽ ഗാന്ധി. ലഡാക്കിൽ ചൈനയുമായുള്ള സംഘർഷത്തിൽ വീരമൃത്യു വരിച്ച ജവൻമാർക്ക്​ ആദരാഞ്​ജലിയർപ്പിച്ച്​ കേന്ദ്ര പ്രതിരോധ മന്ത്രി രാജ്​നാഥ്​ സിങ്​ പോസ്​റ്റ്​ ചെയ്​ത ട്വീറ്റിനെതിരെ ആഞ്ഞടിച്ച് കേ​ൺഗ്രസ്​ നേതാവ്​ രാഹുൽ ഗാന്ധി.നിങ്ങളുടെ ട്വീറ്റിൽ ചൈനയുടെ പേര് നൽകാതെ ഇന്ത്യൻ സൈന്യത്തെ അപമാനിക്കുന്നത് എന്തുകൊണ്ട്?​, അനുശോചനം രേഖപ്പെടുത്താൻ രണ്ട്​ ദിവസം പിടിച്ചത്​ എന്തുകൊണ്ട്​ തുടങ്ങി അഞ്ച്​ ചോദ്യങ്ങൾ​ രാഹുൽ ട്വിറ്ററിൽ ചോദിച്ചു​. 

രാഹുലി​​െൻറ ചോദ്യങ്ങൾ ഇങ്ങനെയാണ്....

1. നിങ്ങളുടെ ട്വീറ്റിൽ ചൈനയുടെ പേര് നൽകാതെ ഇന്ത്യൻ സൈന്യത്തെ അപമാനിക്കുന്നത് എന്തുകൊണ്ട്?
2. എന്തുകൊണ്ടാണ് അനുശോചനം രേഖപ്പെടുത്താൻ രണ്ട്​ ദിവസം എടുത്തത്​?
3. സൈനികർ രക്തസാക്ഷിത്വം വരിക്കുമ്പോൾ റാലികളെ അഭിസംബോധന ചെയ്യുന്നത് എന്തുകൊണ്ട്?
4. എന്തുകൊണ്ട്​ മറഞ്ഞുനിന്ന്​ സൈന്യത്തെ കുറ്റപ്പെടുത്താൻ ആത്മസുഹൃത്തുക്കളായ മാധ്യമങ്ങൾക്ക്​ അവസരമൊരുക്കുന്നു?
5. പണം നൽകിയുള്ള വാർത്തകൾ ഉപയോഗിച്ച്​ കേന്ദ്ര സർക്കാറിന്​ പകരം എന്തുകൊണ്ട്​ സൈന്യത്തെ കുറ്റപ്പെടുത്തുന്നു?

‘ഗാൽവാനിലെ സൈനികരുടെ നഷ്​ടം അങ്ങേയറ്റം അസ്വസ്ഥവും വേദനാജനകവുമാണ്. നമ്മുടെ സൈനികർ അതിർത്തിയിലെ ജോലിക്കിടെ മാതൃകാപരമായ ധൈര്യവും വീര്യവും പ്രകടിപ്പിച്ചു. ഇന്ത്യൻ സൈന്യത്തി​​െൻറ ഉയർന്ന മൂല്യം ഉയർത്തിപിടിച്ച്​ ജീവൻ ബലിയർപ്പിച്ചു’ എന്നായിരുന്നു രാജ്​നാഥ്​ സിങ്​ ട്വീറ്റ്​ ചെയ്​തത്​.