ഗല്‍വാനിലുണ്ടായ സംഘര്‍ഷത്തില്‍ ഇന്ത്യയ്ക്ക് നഷ്ടമായത് 20 ജവന്മാരുടെ ജീവനാണ്. ടെന്റ് നീക്കം ചെയ്യുന്നതുമായി ബന്ധപ്പെട്ടുണ്ടായ തര്‍ക്കത്തെ തുടര്‍ന്ന് സംഘര്‍ഷമുണ്ടായപ്പോള്‍ ചില സൈനികര്‍ ഗല്‍വാന്‍ നദിയിലേക്കു വീഴുകയായിരുന്നു ആ നദിയില്‍ കിടന്നു തണുത്തുറങ്ങാന് നമ്മുടെ ധിരന്മാര്‍ക്ക് ജീവന്‍ നഷ്ടമായത് എന്നിട്ടും നമ്മള്‍ ആഗ്രഹിക്കുന്നത് സമാധാനമാണ്. എന്നാല്‍ വീണ്ടും വീണ്ടും ചൊറിഞ്ഞ് ഇരുപതും വാങ്ങിയേ ചൈന പോകു എന്നതാണ് അവസ്ഥ

ഇപ്പോഴിതാ ലഡാക്കിലെ ഗല്‍വാന്‍ താഴ്വരയ്ക്കുമേല്‍ ചൈന വീണ്ടും അവകാശവാദം ഉന്നയിച്ചു. ഗല്‍വാന്‍ എന്നും ചൈനയുടെ ഭാഗമാണെന്നും എന്നാല്‍ ഇനിയും കൂടുതല്‍ സംഘര്‍ഷത്തിലേക്കു പോകാന്‍ താല്‍പര്യമില്ലെന്നും ചൈനീസ് വിദേശകാര്യ വക്താവ് ഴാവോ ലിജിയന്‍ മാധ്യമങ്ങളോടു പറഞ്ഞു.

കഴിഞ്ഞ ദിവസം ചൈനീസ് സൈന്യം പറഞ്ഞതിനു പിന്നാലെ, ഇന്നലെ ചൈനീസ് വിദേശകാര്യ വക്താവ് ഷാവോ ലിജിയാനും ഇതാവര്‍ത്തിച്ചു.

ഗല്‍വാന്‍ പ്രദേശം സംബന്ധിച്ച് സൈനികതലത്തിലും നയതന്ത്രതലത്തിലും ആശയവിനിമയം നടന്നിട്ടുണ്ട്. ഇതിലെ ശരിയും തെറ്റും വളരെ വ്യക്തമാണ്. ഇതു ചൈനയുടെ സ്ഥലമാണ്. ചൈനയുടെ അതിര്‍ത്തിക്കുള്ളിലാണു സംഭവം നടന്നത്. അതുകൊണ്ട് ഇക്കാര്യത്തില്‍ ചൈനയെ കുറ്റപ്പെടുത്തുന്നതു ശരിയല്ല.'' കൂടുതല്‍ അക്രമസംഭവങ്ങള്‍ ഉണ്ടായിക്കാണാന്‍ ചൈന ആഗ്രഹിക്കുന്നില്ലെന്നും ഷാവോ ലിജിയാന്‍ പറഞ്ഞു.
1962-ലെ യുദ്ധത്തില്‍ ആദ്യം ചീനപ്പട ഗല്‍വാനിലാണു കയറിയതെങ്കിലും ഇക്കാലമത്രയും അതിനു വലിയ പ്രാധാന്യം കൊടുത്തിരുന്നില്ല. അക്‌സായി ചിന്‍ കൈവശം വച്ചിരിക്കുന്ന ചൈന അതിന്റെ തെക്കുപടിഞ്ഞാറുള്ള ഗല്‍വാനില്‍ സവിശേഷ ശ്രദ്ധ ചെലുത്തിയതുമില്ല.

ഇതിനു കഴിഞ്ഞ രണ്ടു ദശകങ്ങള്‍ക്കിടെ മാറ്റം വന്നു. അത് രണ്ടവസരങ്ങളിലായി. ഇന്ത്യ ഡര്‍ബുക്കില്‍നിന്നു ഷിയോക്ക് വഴി ദൗളത്ത് ബെഗ് ഓള്‍ഡിയിലേക്ക് പുതിയ റോഡ് (ഡിഎസ്ഡിബിഒ റോഡ്) പണിതതാണ് ആദ്യത്തേത്. അക്‌സായി ചിന്‍ വീണ്ടെടുക്കുമെന്നു കഴിഞ്ഞ വര്‍ഷം ഓഗസ്റ്റില്‍ അമിത് ഷാ പാര്‍ലമെന്റില്‍ പ്രഖ്യാപിച്ചിരുന്നു.

5 ദശാബ്ദത്തിനിടയിലെ ഏറ്റവും വലിയ അതിര്‍ത്തി സംഘര്‍ഷത്തിന്റെ വക്കിലാണ് ഇന്ത്യയും ചൈനയും. കിഴക്കന്‍ ലഡാക്കില്‍ തിങ്കളാഴ്ച രാത്രിയുണ്ടായ ഏറ്റുമുട്ടലില്‍ 20 ഇന്ത്യന്‍ സൈനികരും നാല്‍പതോളം ചൈനീസ് സൈനികരും കൊല്ലപ്പെട്ടെന്നാണ് വാര്‍ത്താ ഏജന്‍സികള്‍ നല്‍കുന്ന വിവരം. സംഘര്‍ഷം കൈവിട്ടുപോയത് പ്രദേശത്തു തുടര്‍ന്നുപോന്ന സ്ഥിതിഗതികളില്‍ ഏകപക്ഷീയമായ തീരുമാനം ചൈന എടുത്തതിനാലാണെന്ന് ഇന്ത്യന്‍ വിദേശകാര്യമന്ത്രാലയം പറഞ്ഞു.

'ഗല്‍വാന്‍ താഴ്വരയിലെ പ്രശ്‌നങ്ങളില്‍ സൈനികപരമായും നയതന്ത്രപരമായും ആശയവിനിമയം നടത്തുന്നുണ്ട്. ശരിയും തെറ്റും എന്താണെന്നു വ്യക്തമാണ്. ഇത് അതിര്‍ത്തിയില്‍ ചൈനയുടെ വശത്ത് നടന്ന സംഭവമാണ്. ചൈനയെ കുറ്റപ്പെടുത്താനാകില്ല' ഴാവോ പറഞ്ഞു.

അതേസമയം, ചൈനീസ് സൈനികരുടെ മരണസംഖ്യയെക്കുറിച്ച് അദ്ദേഹം പ്രതികരിച്ചില്ല. ഇന്ത്യ മരണസംഖ്യ പുറത്തുവിട്ടിട്ടും ചൈന എന്തുകൊണ്ടു പുറത്തു പറയുന്നില്ലെന്നു വീണ്ടും ചോദിച്ചപ്പോള്‍. ഇരു സൈന്യങ്ങളും പ്രസ്തുത വിഷയവുമായി മുന്നോട്ടുപോകുകയാണെന്നും ഇതില്‍ക്കൂടുതലൊന്നും പറയാനില്ലെന്നുമായിരുന്നു ഴാവോയുടെ പ്രതികരണം. അതിര്‍ത്തിയിലെ പ്രശ്‌നങ്ങള്‍ നിയന്ത്രണവിധേയമാണെന്നും അദ്ദേഹം കൂട്ടിച്ചേര്‍ത്തു.