ചൈനീസ് കമ്ബനിയുമായുള്ള കരാര് റദ്ദാക്കി റെയില്വേ; ലഡാക്ക് സംഘര്ഷമല്ല കരാര് റദ്ദാക്കല് നടപടിക്ക് കാരണമെന്ന് റെയില്വേ; പദ്ധതി നടപ്പാക്കുന്നതിലെ കാലതാമസം കണക്കിലെടുത്താണ് കരാര് അവസാനിപ്പിക്കുന്നത്
ഇന്ത്യചൈന അതിര്ത്തി സംഘര്ഷഭരിതമായതോടെ ചൈനീസ് ഉല്പ്പന്നങ്ങളും ആപ്ലിക്കേഷനുകളും അടക്കം നിരോധിക്കണമെന്ന ക്യാമ്ബയിന് രാജ്യത്തിലുടനീളം നടക്കുന്നുണ്ട്. അതിനിടെ ചൈനീസ് കമ്ബനിയുമായുള്ള കരാര് റദ്ദാക്കിയിരിക്കുകയാണ് റെയില്വേ. കാണ്പൂര്ദീന് ദയാല് ഉപാധ്യായ റെയില്വേ സെക്ഷന്റെ കിലോമീറ്റര് സിഗ്നലിങും ടെലികോം കരാറുമാണ് റദ്ദാക്കിയത്. 471 കോടി രൂപയുടെ കരാറാണ് റെയില്വേ ചൈനീസ് കമ്ബനിയുമായി ഒപ്പിട്ടിരുന്നത്. എന്നാല് ലഡാക്ക് സംഘര്ഷമല്ല കരാര് റദ്ദാക്കല് നടപടിക്ക് കാരണമെന്നാണ് റെയില്വേ നല്കുന്ന വിശദീകരണം.
ലോക ബാങ്കിന്റെ ഫണ്ട് ഉപയോഗിച്ച് നടപ്പാക്കുന്ന പദ്ധതിയുടെ നടത്തിപ്പിന് ബീയ്ജിങ് നാഷ്ണല് റെയില്വേ റിസേര്ച്ച് ആന്ഡ് ഡിസൈന് ഇന്സ്റ്റിറ്റിയൂട്ട് ഓഫ് സിഗ്നല് ആന്ഡ് കമ്മ്യൂണിക്കേഷനുമായാണ് റെയില് മന്ത്രാലയം കരാര് ഒപ്പിട്ടത്. പദ്ധതി നടപ്പാക്കുന്നതിലെ കാലതാമസം കണക്കിലെടുത്താണ് കരാര് അവസാനിപ്പിക്കുന്നതെന്ന് റെയില്വേ അറിയിച്ചു. നാല് വര്ഷം പിന്നിട്ടിട്ടും പദ്ധതിയുടെ 20 ശതമാനം പ്രവര്ത്തനമാണ് പൂര്ത്തീകരിച്ചിട്ടുള്ളത്.
അതേസമയം കേന്ദ്രത്തിന്റെ തീരുമാനം ലോകബാങ്ക് അംഗീകരിക്കുമോയെന്ന് കാത്തിരുന്നു കാണണമെന്നാണ് വിദഗ്ധര് അഭിപ്രായപ്പെടുന്നു.
ഇന്ത്യചൈന അതിര്ത്തി തര്ക്കം രൂക്ഷമായിരിക്കുന്ന സാഹചര്യത്തില് ചൈനീസ് റസ്റ്ററന്റുകളും ഭക്ഷണങ്ങളും നിരോധിക്കണമെന്ന ആവശ്യവുമായി കേന്ദ്രമന്ത്രി രാംദാസ് അത്താവാലെയും രംഗത്തെത്തിയിരുന്നു. ജനങ്ങള് ചൈനീസ് ഭക്ഷണങ്ങള് ഉപേക്ഷിച്ച് സ്വയം മുന്നോട്ട് വരണമെന്നും മന്ത്രി പറഞ്ഞു. 'ചൈന ചതിക്കുന്ന രാജ്യമാണ്. ചൈനയില് നിന്നുളള എല്ലാ ഉല്പ്പന്നങ്ങളും ഇന്ത്യ ബഹിഷ്കരിക്കണം. ചൈനീസ് ഭക്ഷണവും അത് വില്ക്കുന്ന ഹോട്ടലുകളും അടയ്ക്കണം,' കേന്ദ്രമന്ത്രി ട്വിറ്ററില് കുറിച്ചു.
https://www.facebook.com/Malayalivartha
