ഇന്ത്യ ചൈന സംഘര്ഷം; പ്രധാനമന്ത്രി വിളിച്ച സര്വ്വകക്ഷിയോഗം ഇന്ന്; നിലവിലെ സ്ഥിതിഗതികള് വിശദീകരിക്കും; ഇനി എടുക്കേണ്ട നടപടികളും ചര്ച്ചയാകും; അതിര്ത്തിയില് ഇപ്പോഴും ചൈനീസ് പ്രകോപനം തുടരുന്നു
അതിര്ത്തിയിലെ സംഘര്ഷം ചര്ച്ച ചെയ്യാന് പ്രധാനമന്ത്രി നരേന്ദ്രമോദി വിളിച്ച സര്വ്വകക്ഷി യോഗം ഇന്ന്. വൈകിട്ട് അഞ്ച് മണിക്ക് നടക്കുന്ന യോഗത്തില് സോണിയ ഗാന്ധി, മമത ബാനര്ജി, ശരദ് പവാര്, നിതീഷ് കുമാര്, സീതാറാം യെച്ചൂരി, എംകെ സ്റ്റാലിന്, ജഗന്മോഹന് റെഡ്ഡി, ഡി.രാജ തുടങ്ങിയവര് പങ്കെടുക്കും. തിങ്കളാഴ്ചത്തെ സംഘര്ഷത്തെക്കുറിച്ചുള്ള കൂടുതല് വിവരം സര്ക്കാര് രാഷ്ട്രീയ പാര്ട്ടികളെ അറിയിക്കും. സേന ഉദ്യോഗസ്ഥര് ഇക്കാര്യം വിശദീകരിക്കും. മാത്രമല്ല ചൈനക്കെതിരെ രാഷ്ട്രീയമായി എടുക്കുന്ന നടപടികളെ കുറിച്ചും യോഗത്തില് ചര്ച്ച ചെയ്യും.
ഇന്നലെ നടന്ന മേജര് ജനറല് തലത്തിലെ ചര്ച്ചയിലും പ്രശ്നപരിഹാരമായിരുന്നില്ല. പല കാര്യങ്ങളിലും അഭിപ്രായ സമന്വയം ഉണ്ടായി എങ്കിലും അതിര്ത്തിയിലെ പ്രശ്നങ്ങള്ക്ക് തടയിടാനുതകുന്ന തരത്തില് ചര്ച്ചയില് ഒന്നും ഉയര്ന്നുവന്നിവ്വ. നയതന്ത്രതലത്തിലും ഇരുരാജ്യങ്ങളും ചര്ച്ച തുടരും. അതേ സമയം ചൈന അതിര്ത്തിയില് ബുള്ഡോസറുകള് എത്തിച്ച് നിര്മ്മാണപ്രവര്ത്തനം തുടരുന്നു എന്ന റിപ്പോര്ട്ടുകളുണ്ട്.
കഴിഞ്ഞ തിങ്കളാഴ്ചയാണ് ലഡാക്ക് അതിര്ത്തിയിലെ ഗാല്വാന് താഴ്വരയില് ചൈന പ്രകോപനം സൃഷ്ടിച്ചത്. ചൈന നടത്തിയ ആക്രമണത്തില് 20 ഇന്ത്യന് സൈനികര് വീരമൃത്യുവരിച്ചിരുന്നു. 43 ചൈനീസ് സൈനികര് കൊല്ലപ്പെട്ടിട്ടുണ്ട്. നിരവധി സൈനീകര്ക്ക് പരിക്കേല്ക്കുകയും ചെയ്തിരുന്നു. ഈ സാഹചര്യത്തില് ലഡാക്കില് ചൈനീസ് അതിര്ത്തിയില് നടന്ന സംഘര്ഷത്തില് പരിക്കേറ്റ സൈനികരുടെ നില തൃപ്തികരമെന്നുള്ള കാര്യവും കരസേന അറിയിച്ചു. ഗുരുതരമായി പരിക്കേറ്റവര് അപകടനില തരണം ചെയ്തെന്നാണ് കരസേനയുടെ അറിയിപ്പ്. സംഘര്ഷത്തില് 73 പേര്ക്കാണ് പരിക്കേറ്റത്. ഇതില് 58 പേര്ക്ക് നിസാര പരിക്കുകള് മാത്രമെന്നും സേന വിശദീകരിച്ചു.
അതേസമയം അതിര്ത്തിയിലെ സംഘര്ഷത്തില് സൈനികരെ കാണാതായെന്ന റിപ്പോര്ട്ടുകള് കരസേന തള്ളി. സൈനികരെ കാണാതായെന്ന റിപ്പോര്ട്ടുകള് പുറത്തുവന്നിരുന്നു. ഇത് അടിസ്ഥാനരഹിതമാണെന്ന് കരസേന പ്രസ്താവനയില് അറിയിച്ചു. തിങ്കളാഴ്ചത്തെ സംഘര്ഷത്തില് പരിക്കേറ്റ സൈനികരെ ആശുപത്രിയിലേക്ക് മാറ്റുന്നത് ആദ്യം ചൈന തടഞ്ഞിരുന്നു എന്ന സൂചനയുണ്ട്.
ഇന്നലെ ഉച്ചയ്ക്ക് ഇന്ത്യ ചൈന വിദേശകാര്യമന്ത്രിമാര് തീരുമാനിച്ചത് ഈ മാസം ആറിന്റെ പരസ്പരം പിന്മാറാനുള്ള ധാരണ നടപ്പാക്കാനാണ്. എന്നാല് ചൈന കൂടുതല് മേഖലകളില് പ്രകോപനം ഉണ്ടാക്കുകയാണ്. ഗല്വാന് താഴ്വരയ്ക്കുമേല് അവകാശവാദം ഉന്നയിച്ച ചൈനീസ് സേന ഗോഗ്ര മേഖലയിലും കൂടുതല് സൈനികരെ എത്തിച്ചു. രണ്ടു കിലോമീറ്ററെങ്കിലും ഇവിടെയും ഇന്ത്യന് മേഖലയിലേക്ക് ചൈന കടന്നു കയറിയിട്ടുണ്ട് എന്ന സൂചനകളാണ് പുറത്തു വരുന്നത്. ഇക്കാര്യങ്ങളെല്ലാം സൈന്യം ക്യത്യമായി പ്രതിപക്ഷത്തിന് വിശദീകരിച്ച് നല്കും.
അതേസമയം അതിര്ത്തിയില് കൂടുതല് പ്രദേശങ്ങളില് ചൈന പ്രകോപനം തുടരുകയാണ്. ഗല്വാനുപുറമെ ഗോഗ്രയിലും കൂടുതല് സൈനികരെ ചൈന എത്തിച്ചു. തിങ്കളാഴ്ചത്തെ സംഘര്ഷത്തില് 75 ഓളം ഇന്ത്യന് സൈനികര്ക്ക് പരിക്കേറ്റു എന്നാണ് റിപ്പോര്ട്ട്. ഇന്നലെ ഉച്ചയ്ക്ക് ഇന്ത്യ ചൈന വിദേശകാര്യമന്ത്രിമാര് തീരുമാനിച്ചത് ഈ മാസം ആറിന്റെ പിന്മാറാനുള്ള ധാരണ നടപ്പാക്കാനാണ്. എന്നാല് ചൈന കൂടുതല് മേഖലകളില് പ്രകോപനം ഉണ്ടാക്കുകയാണ്. ഗല്വാന് താഴ്വരയ്ക്കുമേല് അവകാശവാദം ഉന്നയിച്ച ചൈനീസ് സേന ഗോഗ്ര മേഖലയിലും കൂടുതല് സൈനികരെ എത്തിച്ചു. രണ്ടു കിലോമീറ്ററെങ്കിലും ഇവിടെയും ഇന്ത്യന് മേഖലയിലേക്ക് ചൈന കടന്നു കയറിയിട്ടുണ്ട് എന്ന സൂചനകളാണ് പുറത്തു വരുന്നത്.
"
https://www.facebook.com/Malayalivartha
