ഇന്ത്യയില് കോവിഡ് മുക്തരാകുന്നവരുടെ എണ്ണം വര്ധിക്കുന്നു, രോഗമുക്തര് 54%
രാജ്യത്തിന് ആശ്വാസം പ്രദാനം ചെയ്തുകൊണ്ട് രോഗികളുടെ എണ്ണം ഇരട്ടിക്കാനെടുക്കുന്ന ദിവസങ്ങളുടെ എണ്ണത്തിലും കോവിഡ് മുക്തരാകുന്നവരുടെ എണ്ണത്തിലും വര്ധന. നിലവില് രോഗികളുടെ എണ്ണം ഇരട്ടിക്കാനെടുക്കുന്നത് 41 ദിവസം; ലോക്ഡൗണിനു മുന്പ് ഇത് 3 ദിവസമായിരുന്നു.
കോവിഡ് അതിരൂക്ഷമായി ബാധിച്ച ആദ്യ 4 രാജ്യങ്ങളില് റഷ്യ കഴിഞ്ഞാല് രോഗമുക്തി കൂടുതല് ഇന്ത്യയിലാണ്. ഇന്നലെ പതിമൂവായിരത്തിലേറെ പുതിയ രോഗികളുണ്ടെങ്കിലും രോഗവര്ധനയുടെ തോതു കുറവാണ്. ആകെ രോഗികളുടെ 1.7% മാത്രമാണ് ഇന്നലെ വര്ധിച്ചത്. ആകെ രോഗികളില് 53.82% പേര് രോഗമുക്തരായി ആശുപത്രി വിട്ടു. രോഗസ്ഥിരീകരണ നിരക്കും (പരിശോധിക്കുന്ന ആകെ സാംപിളുകളില് രോഗം സ്ഥിരീകരിക്കുന്നവര്) കാര്യമായി വര്ധിച്ചിട്ടില്ല; ഇന്നലെ 7.6%. ഗുരുതരാവസ്ഥയിലുള്ളവരുടെ എണ്ണവും (2.3%) കുറവാണ്.
മരണനിരക്ക് അല്പം കൂടിയെങ്കിലും (നിലവില് 3.31%) കാര്യമായ വര്ധനയില്ല. മറ്റു രാജ്യങ്ങളിലെ മരണനിരക്ക്: യുഎസ് (5.3%), ബ്രസീല് (4.86%), റഷ്യ (1.31%)<
ഒറ്റദിവസം പരിശോധിച്ചത് 1.75 ലക്ഷം സാംപിള്. ആകെ പരിശോധിച്ചവരുടെ എണ്ണം 65 ലക്ഷം കടന്നെങ്കിലും ജനസംഖ്യാനുപാതിക പരിശോധനയില് ഇപ്പോഴും ഏറെ പിന്നില്; ഓരോ 10 ലക്ഷത്തിലും 4659 പേര് മാത്രം.
https://www.facebook.com/Malayalivartha