ചൈനയില് നിന്നുള്ള ഇറക്കുമതി കുറയ്ക്കാനുള്ള മാര്ഗങ്ങള് കേന്ദ്രസര്ക്കാരിന്റെ ആലോചനയില്, ഇന്ത്യന് ഉല്പന്നങ്ങളില് ആത്മനിര്ഭര് ചിഹ്നം വരും
ചൈനയില് നിന്നുള്ള ഇറക്കുമതി കുറയ്ക്കാനുള്ള വിവിധ മാര്ഗങ്ങള് കേന്ദ്രസര്ക്കാര് ആലോചിച്ചു തുടങ്ങി. ചൈനീസ് ഉല്പന്നങ്ങള്ക്കു വേണ്ടി പരസ്യം ചെയ്യരുതെന്ന് സിനിമാ, കായിക താരങ്ങളോടു വ്യാപാരി സംഘടനകള് അഭ്യര്ഥിക്കുണ്ട്. രാജ്യത്തെ ഇ കൊമേഴ്സ് കമ്പനികള് അവര് വില്ക്കുന്ന ഉല്പന്നങ്ങള് ഇന്ത്യയില് നിര്മിച്ചതാണെന്ന് ഉറപ്പു വരുത്താന് നിയമഭേദഗതി കൊണ്ടുവരും. ഇന്ത്യന് നിര്മിത ഉല്പന്നമാണെന്ന് അറിയിക്കുന്ന ആത്മനിര്ഭര് ചിഹ്നം സാധനങ്ങളില് പതിക്കണം എന്ന ഭേദഗതിയും കൊണ്ടു വന്നേക്കും.
കേന്ദ്രസര്ക്കാരിന്റെ തന്നെ പല മന്ത്രാലയങ്ങള് ചൈനീസ് കമ്പനികള്ക്കു കരാര് നല്കിയിട്ടുണ്ട്. ഇവ ഉടന് റദ്ദാക്കുക എളുപ്പമല്ല. ഏഷ്യന് ഡവലപ്മെന്റ് ബാങ്കിന്റെ സഹായത്തോടെ നടപ്പാക്കുന്ന ഡല്ഹിയില് നിന്നു മീററ്റിലേക്കുള്ള റീജനല് റാപിഡ് ട്രാന്സിറ്റ് സിസ്റ്റത്തില് തുരങ്കം നിര്മിക്കാനുള്ള കരാര് ചൈനയിലെ ഷാങ്ഹായ് ടണല് എന്ജിനീയറിങ് കമ്പനിക്കാണു നല്കിയത്. 1126 കോടി രൂപയുടെ പദ്ധതിയാണിത്. പദ്ധതിക്കായി ടാറ്റയും എല് ആന്ഡ് ടിയും രംഗത്തുണ്ടായിരുന്നെങ്കിലും ഏറ്റവും കുറഞ്ഞ തുക ചൈന കമ്പനിയുടെതായിരുന്നു. പദ്ധതിയാണിത്. ഇതു റദ്ദാക്കാന് ഇനി കഴിയില്ല.
ഭാവിയില് ചൈനീസ് കമ്പനികളെ കരാറുകളില് പങ്കെടുക്കുന്നതില് നിന്നു വിലക്കാന് കഴിയുമോ എന്നാണ് കേന്ദ്രസര്ക്കാര് ഇപ്പോള് ആലോചിക്കുന്നത്. ആഗോള കരാറുകള് വിളിക്കുമ്പോള് ഇങ്ങനെ വിലക്കാന് കഴിയുമോ എന്ന നിയമവശങ്ങള് പഠിക്കാന് കേന്ദ്രനിയമ മന്ത്രാലയത്തോട് ആവശ്യപ്പെട്ടിട്ടുണ്ട്.
ഇന്ത്യയിലേക്കുള്ള ചൈനയുടെ കയറ്റുമതി 7032 കോടി (5.25 ലക്ഷം കോടി രൂപ) ഡോളറോളമാണ്. ഇന്ത്യ ചൈനയിലേക്കു കയറ്റി അയക്കുന്നതാകട്ടെ 1675 കോടി ഡോളര് (1.25 ലക്ഷം കോടി രൂപ) വിലയ്ക്കുള്ള സാധനങ്ങളും. ചൈനയുടെ മൊത്തം കയറ്റുമതിയുടെ 2% മാത്രമാണ് ഇന്ത്യയിലേക്ക് അയയ്ക്കുന്നത്. അതേസമയം ഇന്ത്യയുടെ കയറ്റുമതിയുടെ 8% ചൈനയിലേക്കാണ്. ഇ-കൊമേഴ്സ് കമ്പനികള് വില്ക്കുന്ന എല്ലാ സാധനങ്ങളിലും ഇന്ത്യയില് നിര്മിച്ചതാണെന്നു രേഖപ്പെടുത്തണം എന്നു തീരുമാനിച്ചിട്ടുണ്ട്. ഡിപ്പാര്ട്മെന്റ് ഓഫ് പ്രൊമോഷന് ഓഫ് ഇന്ഡസ്ട്രി ആന്ഡ് ഇന്റേണല് ട്രേഡ് ആണിതു ചെയ്യേണ്ടത്. ഇതു ചെയ്യാത്തവര്ക്കു പിഴ ചുമത്താനും വ്യവസ്ഥ കൊണ്ടുവരും.
ചൈനയില് നിന്നുള്ള ഉല്പന്നങ്ങള്ക്ക് ഇറക്കുമതിച്ചുങ്കം കൂട്ടണമെന്നു പല വ്യാപാര സംഘടനകളും ആവശ്യപ്പെടുന്നുണ്ട്. എന്നാല് ലോകവ്യാപാര സംഘടനയുടെ നിയമങ്ങള് പ്രകാരം ഇന്ത്യയ്ക്ക് ഏകപക്ഷീയമായി ചൈനയുടെ എല്ലാ സാധനങ്ങളെയും തടയാന് കഴിയില്ല. കളിക്കോപ്പുകള്, ഗൃഹോപകരണങ്ങള്, വളം, മൊബൈലുകള്, ഇലക്ട്രിക് സാധനങ്ങള്, ഇലക്ട്രോണിക് സാധനങ്ങള് എന്നിങ്ങനെ ഇന്ത്യയില് പ്രാദേശിക നിര്മാതാക്കളുമായി മത്സരിച്ചാണ് ചൈനീസ് സാധനങ്ങള് എത്തുന്നത്. ചൈനയില് നിന്നാണ് ഇന്ത്യയില് നിര്മിക്കുന്ന ഔഷധങ്ങളുടെ 60 % രാസസംയുക്തങ്ങള് വരുന്നത്. ഇവയുടെ ഇറക്കുമതി നിര്ത്തിയാല് ഔഷധവില ഉയരും.
ഇന്ത്യ ചൈനയ്ക്ക് വിലക്ക് ഏര്പ്പെടുത്തിയാലും ആസിയാന് രാഷ്ട്രങ്ങള് വഴി ചൈനയ്ക്ക് സാധനങ്ങള് ഇന്ത്യയില് എത്തിക്കാനാകും. ആസിയാന് രാഷ്ട്രങ്ങളുമായി ഇന്ത്യയ്ക്കു സ്വതന്ത്രവ്യാപാരമാണുള്ളത്. മിക്ക ആസിയാന് രാഷ്ട്രങ്ങളിലും ചൈന വിപണി കയ്യടക്കിയിരിക്കയാണ്. അവിടെനിന്ന് ഇന്ത്യയിലേക്ക് അയയ്ക്കാവുന്നതേയുള്ളൂ.
ചൈനക്കെതിരായ നീക്കം ഇനി സ്പോണ്സര്ഷിപ്പുകളെയും ബാധിക്കും. ഇന്ത്യന് ഒളിംപിക് അസോസിയേഷന് (ഐഒഎ) ചൈനീസ് സ്പോര്ട്സ് സാധനങ്ങളും വസ്ത്രങ്ങളും നിര്മിക്കുന്ന ലി നിങ് കമ്പനിയുമായി സ്പോണ്സര്ഷിപ് കരാറില് ഒപ്പു വച്ചിരുന്നു. ടോക്കിയോ ഒളിംപിക്സ് കഴിയുന്നതു വരെയുള്ള കരാറാണിത്. പുതിയ സാഹചര്യത്തില് കരാര് പുനഃപരിശോധിക്കുമെന്ന് ഐഒഎ സെക്രട്ടറി ജനറല് രാജീവ് മേത്ത വ്യക്തമാക്കി.
ട്വന്റി 20 ക്രിക്കറ്റ് ലീഗിന് ചൈനീസ് സ്മാര്ട് ഫോണ് നിര്മാതാക്കളായ വിവോയാണ് സ്പോണ്സര്. 2190 കോടി രൂപയുടെ കരാറാണിത്. ഇന്ത്യയില്ത്തന്നെ ഈ തുക ചെലവഴിക്കപ്പെടുമെന്നതിനാല് കരാര് റദ്ദാക്കുന്നത് ശരിയല്ലെന്നാണ് ബിസിസിഐ ട്രഷറര് അരുണ് സിങ്ങിന്റെ വാദം. എന്നാല് ചൈനീസ് കമ്പനികളുമായുള്ള എല്ലാ ഇടപാടും റദ്ദാക്കണമെന്ന് ഹര്ഭജന് സിങ് ആവശ്യപ്പെട്ടതോടെ ഇതു വിവാദമായിട്ടുണ്ട്.
https://www.facebook.com/Malayalivartha