ചൈനയില്‍ നിന്ന് തുടക്കമിട്ട കൊറോണ വൈറസ് ബാധ ഇതുവരെ 3 ലക്ഷത്തില്‍ അധികം പേരുടെ ജീവനെടുത്ത് കഴിഞ്ഞു. ഇന്ത്യ അടക്കം 200 ലേറെ രാജ്യങ്ങളിലാണ് ഇതുവരെ കൊറോണ റിപ്പോര്‍ട്ട് ചെയ്യപ്പെട്ടിരിക്കുന്നത്. രോഗ ബാധ പ്രകടമായാല്‍ ദിശ നമ്പര്‍ O471 2552056, ടോള്‍ഫ്രീ നമ്പര്‍ 1056 എന്നിവയിലും ബന്ധപ്പെടാവുന്നതാണ്

തിരുവനന്തപുരത്ത് ഇന്നലെ 3 പുതിയ ഹോട്ട് സ്‌പോട്ടുകളാണുള്ളത്. തിരുവനന്തപുരം കോര്‍പറേഷന്‍, കോട്ടയം ജില്ലയിലെ ചിറക്കടവ്, എറണാകുളം ജില്ലയിലെ വെങ്ങോല എന്നിവയാണ് പുതിയ ഹോട്ട് സ്‌പോട്ടുകള്‍. തിരുവനന്തപുരം കോര്‍പറേഷനിലെ 55 (കാലടി ജങ്ഷന്‍), 70 (ആറ്റുകാല്‍, ഐരാണിമുട്ടം), 72 (മണക്കാട് ജങ്ഷന്‍), ചിറമുക്ക്-കാലടി റോഡ് എന്നിവയാണ് കണ്ടെന്‍മെന്റ് സോണുകള്‍.

അതേസമയം പാലക്കാട് ജില്ലയിലെ 4 പ്രദേശങ്ങളെ ഹോട്ട് സ്‌പോട്ടില്‍ നിന്നും ഒഴിവാക്കി. ഷൊര്‍ണൂര്‍, പെരുമാട്ടി, വാണിയംകുളം, തെങ്കര എന്നിവയേയാണ് ഹോട്ട് സ്‌പോട്ടില്‍ നിന്നും ഒഴിവാക്കിയത്.

സംസ്ഥാനത്തെ വിവിധ ജില്ലകളിലായി 1,39,342 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 1,37,306 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 2036 പേര്‍ ആശുപത്രികളിലും നിരീക്ഷണത്തിലാണ്. 288 പേരെയാണ് ഇന്നലെ ആശുപത്രിയില്‍ പ്രവേശിപ്പിച്ചു

തമിഴ്‌നാട്ടില്‍ ശനിയാഴ്ച 38 പേര്‍ മരിച്ചു. 2396 പേര്‍ക്ക് പുതിയതായി രോഗം സ്ഥിരീകരിച്ചു. ഇതോടെ സംസ്ഥാനത്തെ രോഗികളുടെ എണ്ണം 57000ത്തോട് അടുക്കുന്നു. ഇതുവരെ തമിഴ്‌നാട്ടില്‍ മരിച്ചവരുടെ എണ്ണം 704 ആയി.

രാജ്യത്ത് കൊവിഡ് രോഗികള്‍ നാല് ലക്ഷം കടന്നു. കഴിഞ്ഞ 24 മണിക്കൂറില്‍ 15413 പുതിയ കൊവിഡ് രോഗികള്‍. ആകെ രോഗം ബാധിച്ചത് 410461 പേര്‍ക്ക് . 13254 പേര്‍ ഇതുവരെ കൊവിഡ് ബാധിച്ച് മരിച്ചു. 24 മണിക്കൂറിനിടെ 306 മരണം . ഇതുവരെ 227755 പേര്‍ രോഗമുക്തി നേടി

ലോകത്ത് കൊവിഡ് ബാധിതരുടെ എണ്ണം 89 ലക്ഷം കടന്നു. ഇക്കഴിഞ്ഞ 24 മണിക്കൂറിനിടെ ഒന്നര ലക്ഷത്തോളം പേര്‍ക്ക് കൊവിഡ് സ്ഥിരീകരിച്ചു.നാലായിരത്തിലേറെ മരണമാണ് റിപ്പോര്‍ട്ട് ചെയ്തത്.

മെക്‌സികോയില്‍ 4717 പുതിയ കൊവിഡ് കേസുകള്‍ കൂടി റിപ്പോര്‍ട്ട് ചെയ്തു. 387 മരണവും പുതുതായി രേഖപ്പെടുത്തി

ബ്രസീലില്‍ ഇക്കഴിഞ്ഞ 24 മണിക്കൂറിനിടെ 54000 പേര്‍ക്കാണ് കൊവിഡ് ബാധിച്ചു. തുടര്‍ച്ചയായ നാലാം ദിനവും 1200 ലേറെ പേര്‍ മരണപ്പെട്ടു. ലോകത്തില്‍ കൊവിഡ് ബാധിതരില്‍ അമേരിക്ക് തൊട്ട് പിന്നാലെ ബ്രസീലാണ്.

അമേരിക്കയില്‍ കൊവിഡ് ബാധിതര്‍ 23 ലക്ഷം കടന്നിരിക്കുകയാണ്. 2330578 പേര്‍ക്കാണ് കൊവിഡ് ബാധിച്ചത്. 121979 പേര്‍ മരണപ്പെട്ടു.