ജമ്മുകാശ്മീരില് സുരക്ഷാസേന ഒരു ഭീകരനെ വധിച്ചു... ശ്രീനഗറിലെ സാദിബാല് മേഖലയിലാണ് സുരക്ഷാസേനയും ഭീകരരും തമ്മില് ഏറ്റുമുട്ടലുണ്ടായത്
ജമ്മുകാശ്മീരില് സുരക്ഷാസേന ഒരു ഭീകരനെ വധിച്ചു. ശ്രീനഗറിലെ സാദിബാല് മേഖലയിലാണ് സുരക്ഷാസേനയും ഭീകരരും തമ്മില് ഏറ്റുമുട്ടലുണ്ടായത്.സാദിബാലിലും സോനിമാര് പൊസ്വാല്പോരയിലും ഭീകരുടെ സാന്നിധ്യമുണ്ടെന്ന രഹസ്യവിവരത്തെ തുടര്ന്ന് നടത്തിയ തെരച്ചിലിനിടെയാണ് ഏറ്റുമുട്ടലുണ്ടായത്. പ്രദേശത്ത് രണ്ടു ഭീകരര് കൂടിയുണ്ടെന്നാണ് റിപ്പോര്ട്ട്.
ഇതേതുടര്ന്ന് ശ്രീനഗര് നഗരത്തില് മൊബൈല് ഇന്റര്നെറ്റ് സേവനങ്ങള് വിച്ഛേദിച്ചതായി അധികൃതര് അറിയിച്ചു. ഭീകരരുടെ മാതാപിതാക്കളെ സംഭവസ്ഥലത്ത് എത്തിച്ച് ഭീകരരെ അനുനയിപ്പിക്കാന് ശ്രമിച്ചെങ്കിലും അവര് കീഴടങ്ങാന് കൂട്ടാക്കാത്തതിനെ തുടര്ന്ന് സൈന്യം വെടിയുതിര്ക്കുകയായിരുന്നു. കഴിഞ്ഞ മാസം ബിഎസ്എഫ് ജവാന്മാരെ ആക്രമിച്ച സംഭവത്തിലെ പ്രതിയാണ് ഭീകരിലൊരാള്. ശ്രീനഗറില് കഴിഞ്ഞ ഒരുമാസത്തിനിടെ സുരക്ഷാസേനയും ഭീകരരും തമ്മിലുണ്ടായ രണ്ടാമത്തെ ഏറ്റുമുട്ടലാണിത്.
https://www.facebook.com/Malayalivartha
