ബൂമില് സുരക്ഷാസേനയുടെ നിര്ണായകനീക്കം; ലഷ്കര് ഇ തൊയ്ബയുമായി ബന്ധം; ജമ്മു കശ്മീരില് മൂന്ന് പേര് അറസ്റ്റില്; ആയുധങ്ങള് പിടിച്ചെടുത്തു
ജമ്മു കശ്മീരില് ഭീകരര്ക്കായുള്ള പരിശോധനകള് ഊര്ജ്ജിതമാക്കി സുരക്ഷാ സേന. ഇതിന്റെ ഭാഗമായി സോപ്പോറില് നടത്തിയ പരിശോധനയില് ഭീകര സംഘടനയായ ലഷ്കര് ഇ തൊയ്ബയുമായി ബന്ധമുള്ള മൂന്ന് പേരെ അറസ്റ്റ് ചെയ്തു. സോപ്പോര് പോലീസും സിആര്പിഎഫും സംയുക്തമായാണ് പരിശോധന നടത്തിയത്. ബൂമി മേഖലയില് പ്രവര്ത്തിക്കുന്ന ഭീകര സംഘടനയുമായി മൂന്ന് പേര്ക്കും ബന്ധമുള്ളതായി കണ്ടെത്തിയിരുന്നു.
ഇതിനു പിന്നാലെയാണ് പോലീസ് അറസ്റ്റ് ഉള്പ്പെടെയുള്ള നടപടിക്രമങ്ങളിലേക്ക് പ്രവേശിച്ചത്. നിരവധി ആയുധങ്ങളും മറ്റ് യുദ്ധോപകരണങ്ങളും ഇവരുടെ പക്കല് നിന്നും കണ്ടെത്തിയിട്ടുണ്ട്. സംഭവത്തില് എഫ്ഐആര് രജിസ്റ്റര് ചെയ്തിട്ടുണ്ടെന്നും അന്വേഷണം പുരോഗമിക്കുകയാണെന്നും ജമ്മു കശ്മീര് പോലീസ് അറിയിച്ചു. അതേസമയം, കഴിഞ്ഞ ഏതാനും ദിവസങ്ങളിലായി ജമ്മു കശ്മീരിന്റെ വിവിധ ഭാഗങ്ങളില് സുരക്ഷാ സേനയും ഭീകരരും തമ്മില് ഏറ്റുമുട്ടലുകള് ഉണ്ടാകുന്നുണ്ട്. ഇന്ന് ഷോപ്പിയാനില് നടന്ന ഏറ്റുമുട്ടലില് ഒരു ഭീകരനെ സുരക്ഷാ സേന വധിച്ചിരുന്നു. ഷോപ്പിയാനിലും പാംപോറയിലുമായി കഴിഞ്ഞ ദിവസം നടന്ന ഏറ്റുമുട്ടലില് എട്ട് ഭീകരരെയാണ് സൈന്യം വധിച്ചത്.
https://www.facebook.com/Malayalivartha
