ഡല്‍ഹിയില്‍ ഭീകരാക്രമണ ഭീഷണിയെന്ന രഹസ്യാന്വേഷണ റിപ്പോര്‍ട്ടുകളെ തുടര്‍ന്ന് സുരക്ഷ ശക്തമാക്കി. ഡല്‍ഹി പോലീസ് അതീവ ജാഗ്രതയാണ് പാലിക്കുന്നത്.സുരക്ഷാ ഏജന്‍സികള്‍ ഭീകരാക്രമണ ഭീഷണി സംബന്ധിച്ച് മുന്നറിയിപ്പ് നല്‍കിയിട്ടുണ്ട്. കശ്മീരില്‍ നിന്ന് അഞ്ച് ഭീകരര്‍ ഡല്‍ഹിയിലേക്ക് തിരിച്ചിട്ടുണ്ടെന്നാണ് രഹസ്യാന്വേഷണ വിഭാഗം നല്‍കുന്ന വിവരം. ജമ്മു കശ്മീരില്‍ നിന്നുള്ള ചില ഭീകരര്‍ ഡല്‍ഹിയില്‍ എത്തിയിട്ടുണ്ട്,മറ്റ് ചിലര്‍ ഡല്‍ഹിയില്‍ കടക്കാനുള്ള ശ്രമത്തിലുമാണ്.

രാജ്യതലസ്ഥാനത്ത് ആക്രമണം നടത്തുന്നതിനായി തീവ്ര വാദ സംഘടനകള്‍ തയ്യാറാക്കിയ പദ്ധതിയുടെ ഭാഗമായാണ്
ഭീകരര്‍ ഡല്‍ഹിയില്‍ എത്തിയത്അ തേസമയം രഹസ്യാന്വേഷണ വിഭാഗം നല്‍കിയ വിവരത്തിന്റെ അടിസ്ഥാനത്തില്‍ ഡല്‍ഹിയില്‍ കര്‍ശന പരിശോധനയാണ് നടത്തുന്നത്. വാഹനങ്ങള്‍,ബസ് സ്റ്റാന്‍്ഡ് എന്നിവിടങ്ങളിലൊക്കെ കര്‍ശന പരിശോധനയാണ് നടത്തുന്നത്.
കാശ്മീര്‍ താഴ്വരയില്‍ ഭീകരര്‍ ക്കെതിരെ സൈന്യം കര്‍ശന നടപടി സ്വീകരിക്കുന്ന സാഹചര്യത്തിലാണ്. ഡല്‍ഹിയില്‍
ആക്രമണം നടത്തുന്നതിന് ഭീകരവാദികള്‍ പദ്ധതി തയ്യാറാക്കുന്നതെന്നാണ് രഹസ്യന്വേഷണ വിഭാഗം നല്‍കുന്ന വിവരം.


ജമ്മു കശ്മീരില്‍ നിന്ന് ഭീകരവാദികള്‍ ഡല്‍ഹിയിലേക്ക് പ്രവേശിക്കുമെന്നാണ് ഇന്റലിജന്‍സ് മുന്നറിയിപ്പെന്നാണ് റിപ്പോര്‍ട്ടുകള്‍ വ്യക്തമാക്കുന്നത്. കശ്മീരിലും മറ്റും ഭീകരരുമായുള്ള ഏറ്റുമുട്ടല്‍ തുടരുന്നതിനിടെയാണ് ഡല്‍ഹിയിലും ആക്രമണത്തിന് സാധ്യതെയന്ന റിപ്പോര്‍ട്ട് പുറത്ത് വന്നത്. ഭീകരവാദികള്‍ കാറിലോ ബസിലോ ഡല്‍ഹിയിലേക്ക് എത്തിയേക്കാമെന്നാണ് മുന്നറിയിപ്പെന്നാണ് ദേശീയ മാധ്യമം റിപ്പോര്‍ട്ട് ചെയ്യുന്നത്. വിവരത്തിന്റെ അടിസ്ഥാനത്തില്‍ കര്‍ശന നിരീക്ഷണമാണ് തലസ്ഥാനത്ത് ഏര്‍പ്പെടുത്തിയിരിക്കുന്നത്. ഗസ്റ്റ് ഹൗസുകള്‍, ഹോട്ടലുകള്‍, കശ്മീര്‍ രജിസ്‌ട്രേഷനുള്ള വാഹനങ്ങള്‍ എന്നിവ കേന്ദ്രീകരിച്ച് വിശദമായ പരിശോധനയാണ് നടക്കുന്നത്.