നിയന്ത്രണരേഖയില് പാക് ഷെല്ലാക്രമണം; ഇന്ത്യന് സൈനികന് കൊല്ലപ്പെട്ടു
22 JUNE 2020 12:52 PM IST
മലയാളി വാര്ത്ത
ജമ്മു കശ്മീരില് നിയന്ത്രണരേഖ കടന്ന് പാകിസ്ഥാൻ നടത്തിയ ഷെല്ലാക്രമണത്തില് ഒരു ഇന്ത്യന് സൈനികന് കൊല്ലപ്പെട്ടു. ജമ്മു കശ്മീരിലെ രജൗരിയില് തിങ്കളാഴ്ച രാവിലെയാണ് ആക്രമണമുണ്ടായത്.
നിയന്ത്രണരേഖയില് പാകിസ്ഥാന് സൈന്യം വെടിനിര്ത്തല് ലംഘിച്ച് ആക്രമണം നടത്തിയതായി ഇന്ത്യന് പ്രതിരോധ വക്താവ് അറിയിച്ചതായി ഹിന്ദുസ്ഥാന് ടൈംസ് റിപ്പോര്ട്ട് ചെയ്തു. തിങ്കളാഴ്ച പുലര്ച്ചെ മൂന്നരയോടെയാണ് ആക്രമണമുണ്ടായത്
ജൂണ് അഞ്ചിന് ശേഷം നാലാമത്തെ ഇന്ത്യന് സൈനികനാണ് പാക് അതിര്ത്തിയില് കൊല്ലപ്പെടുന്നത്. ഈ വര്ഷം 1400-ലേറെ തവണയാണ് അതിര്ത്തിയില് പാകിസ്ഥാന് വെടിനിര്ത്തല് കരാര് ലംഘിച്ചത്. കഴിഞ്ഞ വര്ഷം 3618 തവണയാണ് പാക്ക് അതിർത്തിയിൽ വെടി നിർത്തല് ലംഘിക്കപ്പെട്ടിരുന്നത് . 2018-ല് 1629 തവണ കരാര് ലംഘനമുണ്ടായി
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
