ജനങ്ങള്‍ മനസുകൊണ്ട് പഴയപടി ആയിക്കഴിഞ്ഞു. പക്ഷേ കൊറോണ വൈറസ് എന്ന രോഗകാരിയുടെ ആക്രമണം ലോകത്ത് ഇതുവരെ ഒരു നെല്ലിട കുറഞ്ഞിട്ടില്ല. എന്നാല്‍ ഇന്ത്യയുള്‍പ്പെടെ പല രാജ്യങ്ങളിലും പ്രതിരോധ നടപടിയെന്നോണം ഏര്‍പ്പെടുത്തിയ ലോക്ഡൗണ്‍ അടക്കമുള്ള നിയന്ത്രണങ്ങള്‍ പിന്‍വലിക്കപ്പെടുമ്പോള്‍ മുന്നിലുള്ളത് വലിയ അപകടമാണ്. ജാഗ്രത കൈവിടരുതെന്നാണ് വിദഗ്ധര്‍ നല്‍കുന്ന മുന്നറിയിപ്പ്.

'കൊവിഡ് 19 എന്ന മഹാമാരിയുടെ യാത്ര മുന്നോട്ട് തന്നെയാണ്. ആരോഗ്യരംഗം നേരിടുന്ന പ്രതിസന്ധി എന്നതില്‍ക്കവിഞ്ഞ് സാമൂഹികവും സാമ്പത്തികവും രാഷ്ട്രീയവുമായ പ്രതിസന്ധികളിലേക്കാണ് കൊറോണ വൈറസ് മഹാമാരി നമ്മളെ നയിക്കുന്നത്. ദശാബ്ദങ്ങളോളം ഇതിന്റെ പരിണിതഫലങ്ങള്‍ നമ്മള്‍ നേരിടേണ്ടിവരും...'- ലോകാരോഗ്യ സംഘടന ഡയറക്ടര്‍ ജനറല്‍ ഡോ. ടെഡ്രോസ് അദാനോം പറയുന്നു.

ഇതുവരെ 4,65,000 പേര്‍ക്കാണ് കൊവിഡ് 19 മൂലം ജീവന്‍ നഷ്ടമായിരിക്കുന്നത്. വിവിധ രാജ്യങ്ങളിലായി 90 ലക്ഷം പേരെ രോഗം ബാധിച്ചു. ഓരോ രാജ്യങ്ങളും ഓരോ ശക്തിയായി ഒറ്റപ്പെട്ട് നിന്ന് പോരാടുന്നതിന് പകരം ലോകം ഒരുമിച്ച് നിന്നാണ് ഈ ആപത്ഘട്ടം അഭിമുഖീകരിക്കേണ്ടതെന്നും ഡോ. ടെഡ്രോസ് അദാനോം ഓര്‍മ്മിപ്പിക്കുന്നു. കൊവിഡിനെ രാഷ്ട്രീയവത്കരിക്കുന്നത് വലിയ തീവ്രതയുള്ള അപകടമാണെന്നും പല രാജ്യങ്ങളും നിലവില്‍ ഇതുമൂലം ദുരവസ്ഥയിലായിട്ടുണ്ടെന്നും അദ്ദേഹം ചൂണ്ടിക്കാട്ടുന്നു

മഹാരാഷ്ട്രയിലെ കോവിഡ്-19 രോഗികളുടെ എണ്ണത്തില്‍ വന്‍വര്‍ധന. ഇന്ന് 3721 പേര്‍ക്ക് പുതുതായി രോഗം സ്ഥിരീകരിച്ചു. ഇതോടെ സംസ്ഥാനത്തെ ആകെ കോവിഡ് സ്ഥിരീകരിച്ചവരുടെ എണ്ണം 1,35,796 ആയി. ഇതുവരെ 6283 പേര്‍ക്കാണ് കോവിഡ്-19 മൂലം ജീവന്‍ നഷ്ടപ്പെട്ടത്. ഇന്നു മാത്രം 62 പേരാണ് മരിച്ചത്. ഇതുവരെ 67706 പേര്‍ രോഗമുക്തി നേടിയിട്ടുണ്ട്. ഇന്ന് 1962 പേരാണ് രോഗമുക്തി നേടിയതെന്നും മഹാരാഷ്ട്ര ആരോഗ്യ വകുപ്പ് അറിയിച്ചു. 61793 ആക്ടീവ് കേസുകളാണ് സംസ്ഥാനത്തുള്ളത്. അതേസമയം മുംബൈയിലെ ആകെ കേസുകള്‍ 67586 ആയി ഉയര്‍ന്നു. 29720 ആക്ടീവ് കേസുകളാണ് മുംബയിലുള്ളത്. താനെയില്‍ ആകെ 25390 കേസുകളുണ്ട്.

തെലങ്കാനയില്‍ കോവിഡ് പടരുന്നു. തിങ്കളാഴ്ച 872 പേര്‍ക്ക് കോവിഡ് സ്ഥിരീകരിച്ചു. ഗ്രേറ്റര്‍ ഹൈദരാബാദ് മുന്‍സിപ്പല്‍ കോര്‍പറേഷന്‍ പരിധിയില്‍ സ്ഥിതിഗതികള്‍ നാള്‍ക്കുനാള്‍ രൂക്ഷമാകുകയാണ്. തിങ്കളാഴ്ച മാത്രം 713 പേര്‍ക്കാണ് ഇവിടെ കോവിഡ് സ്ഥിരീകരിച്ചത്.സമീപ ജില്ലയായ രംഗ റെഡ്ഢിയിലും വൈറസ് വ്യാപനത്തിന് വേഗമേറുകയാണ്. 107പേര്‍ക്ക് ജില്ലയില്‍ വൈറസ് ബാധ സ്ഥിരീകരിച്ചു. മേഡ്ചല്‍, സംഗറെഡ്ഢി എന്നീ ജില്ലകളിലും വൈറസ് പടരുന്നുണ്ട്. ഇന്നലെ സംസ്ഥനത്ത് ഏഴ് കോവിഡ് മരണങ്ങള്‍ കൂടി നടന്നതോടെ ഇതുവരെ മരിച്ചവരുടെ എണ്ണം 217 ആയി. 4005 പേര്‍ ഇതുവരെ രോഗ മുക്തി നേടിയ തെലങ്കാനയില്‍ നിലവില്‍ 4452 പേരാണ് ചികിത്സ തുടരുന്നത്.