കോവിഡിന്റെ പശ്ചാത്തലത്തില്‍ മാറ്റിവെച്ച സി.ബി.എസ്.ഇ പരീക്ഷയുടെ കാര്യത്തില്‍ നാളെ തീരുമാനം അറിയിക്കാമെന്ന് കേന്ദ്രസര്‍ക്കാര്‍ സുപ്രീംകോടതിയില്‍ അറിയിച്ചു. സോളിസിറ്റര്‍ ജനറല്‍ തുഷാര്‍ മേത്തയാണ് സര്‍ക്കാരിന് വേണ്ടി ഹാജരായത്.

സി.ബി.എസ്.ഇ പരീക്ഷകള്‍ ജൂലൈ 1മുതല്‍ 15 വരെയുള്ള തിയതികളില്‍ നടത്തുമെന്ന് സി.ബി.എസ്.ഇ നേരത്തേ അറിയിച്ചിരുന്നു. എന്നാല്‍ കോവിഡ് പടരുന്നത് ചൂണ്ടിക്കാട്ടി പരീക്ഷകള്‍ റദ്ദാക്കണമെന്ന് ആവശ്യപ്പെട്ട് ഒരു വിഭാഗം രക്ഷിതാക്കളാണ് കോടതിയെ സമീപിച്ചത്.

സോളിസിറ്റര്‍ ജനറലിന്റെ ഉറപ്പിനെ തുടര്‍ന്ന് ഹരജി പരിഗണിക്കുന്നത് വ്യാഴാഴ്ചത്തേക്ക് മാറ്റി. 25ന് ഉച്ചക്ക് രണ്ടിനാണ് ഹരജി പരിഗണിക്കുക.