യുഎസില് നിന്ന് ഇന്ത്യ എം 777 പീരങ്കികളില് ഉപയോഗിക്കുന്ന, 50 കിലോമീറ്റര് ദൂരപരിധിയുള്ള പീരങ്കി ഷെല്ലുകള് വാങ്ങുന്നു
50 കിലോമീറ്റര് ദൂരപരിധിയുള്ളതും എം 777 പീരങ്കികളില് ഉപയോഗിക്കുന്നതുമായ പീരങ്കി ഷെല്ലുകള് യുഎസില്നിന്ന് വാങ്ങാന് കരസേന നടപടിയാരംഭിച്ചു.
500 കോടി രൂപയുടെ ആയുധങ്ങള് വാങ്ങാന് അതിര്ത്തി സംഘര്ഷ പശ്ചാത്തലത്തില് കര, നാവിക, വ്യോമ സേനകള്ക്കു കേന്ദ്ര സര്ക്കാര് അനുമതി നല്കിയിരുന്നു. ആയുധസംഭരണം അതിവേഗം നടത്താനുള്ള അധികാരം സേനാ ഉപമേധാവികള്ക്കാണ്.
ഭാരം കുറവായതിനാല് എം 777 പീരങ്കികള് ചിനൂക് ഹെലികോപ്റ്ററുകളില് അതിര്ത്തിയില് എത്തിക്കാനാകുമെന്നും ചൈനാ അതിര്ത്തിയില് ഇവ ഫലപ്രദമായി ഉപയോഗിക്കാനാവുമെന്നുമാണ് സേനയുടെ വിലയിരുത്തല്. കിഴക്കന് ലഡാക്ക് മേഖലയില് വിവിധയിടങ്ങളില് പീരങ്കികള് സജ്ജമാക്കിയിട്ടുണ്ട്.
പാക്ക് അതിര്ത്തിയില് കാവലൊരുക്കാന് കഴിഞ്ഞ ഒക്ടോബറിലാണ് ഏറ്റവുമൊടുവില് യുഎസില് നിന്നു സേന പീരങ്കി ഷെല്ലുകള് വാങ്ങിയത്.സേനാംഗങ്ങളെ എത്രയും വേഗം പിന്വലിക്കുന്നത് അതിര്ത്തി സംഘര്ഷം പരിഹരിക്കാന് വഴിയൊരുക്കുമെന്ന കാര്യത്തില് ഇന്ത്യയും ചൈനയും യോജിച്ചതായി വിദേശകാര്യ മന്ത്രാലയം. വിഡിയോ വഴി ഇരു രാജ്യങ്ങളുടെയും വിദേശകാര്യ പ്രതിനിധികള് നടത്തിയ ചര്ച്ചയ്ക്കു ശേഷമാണ് ഇന്ത്യയുടെ പ്രതികരണം.
അതിനിടെ കോവിഡുമായി ബന്ധപ്പെട്ട നിയന്ത്രണങ്ങളില് പ്രതിരോധ സേനാംഗങ്ങള്ക്ക് ഇളവ്. അതിര്ത്തിയില് സംഘര്ഷം നിലനില്ക്കുന്ന സാഹചര്യത്തില് അവധിക്കു ശേഷം ജോലിയില് പ്രവേശിക്കുന്നവര്ക്ക് രോഗലക്ഷണങ്ങളില്ലെങ്കില് 14 ദിവസം ക്വാറന്റീനില് കഴിയേണ്ട.
https://www.facebook.com/Malayalivartha
