ഡബ്ല്യു.എം.സി.സി യോഗത്തില് നിയന്ത്രണരേഖ മാനിക്കാന് ഇന്ത്യ- ചൈന ധാരണയായി
ഇന്ത്യ-ചൈന അതിര്ത്തി സംഘര്ഷം രൂക്ഷമായ സാഹചര്യത്തില് നയതന്ത്ര, സൈനിക തലത്തിലുള്ള ആശയവിനിമയത്തിലൂടെ പ്രശ്നപരിഹാരം സാധ്യമാക്കാനുള്ള ശ്രമങ്ങള് ഊര്ജിതമാക്കാനും യഥാര്ഥ നിയന്ത്രണ രേഖ (എല്.എ.സി) യെ മാനിക്കാനും ഇന്ത്യ-ചൈന ധാരണ.
വീഡിയോ കോണ്ഫറന്സിലൂടെ ഇരുരാജ്യങ്ങളും തമ്മില് നടന്ന വര്ക്കിങ് മെക്കാനിസം ഫോര് കണ്സള്ട്ടേഷന് ആന്ഡ് കോ-ഓര്ഡിനേഷന് ഓണ് ബോര്ഡര് അഫയേഴ്സിന്റെ (ഡബ്ല്യു.എം.സി.സി) 15-ാമത് യോഗത്തിലാണ് നിര്ദേശം. യോഗത്തില് വിദേശകാര്യ മന്ത്രാലയത്തിലെ കിഴക്കന് ഏഷ്യാ വിഭാഗം ജോയിന്റ് സെക്രട്ടറി നവീന് ശ്രീവാസ്തവ, ചൈനീസ് വിദേശകാര്യ മന്ത്രാലയത്തിലെ ഡയറക്ടര് ജനറല് വു ജിയാങ്ഹോ എന്നിവര് തമ്മിലായിരുന്നു ചര്ച്ച.
ഇന്ത്യ ഗല്വാന് മേഖലയിലെ സമീപകാല സംഭവങ്ങളില് ആശങ്കയറിയിച്ചു. കിഴക്കന് ലഡാക്ക് മേഖലയിലെ പ്രശ്നങ്ങള് സംബന്ധിച്ച് ഇരുരാജ്യങ്ങളും വിശദമായി ചര്ച്ച നടത്തിയെന്ന് വിദേശകാര്യമന്ത്രാലയം പുറപ്പെടുവിച്ച പത്രക്കുറിപ്പില് വ്യക്തമാക്കി. വിദേശകാര്യമന്ത്രി എസ്. ജയശങ്കറും ചൈനീസ് വിദേശകാര്യമന്ത്രി വാങ് യിയുമായി കഴിഞ്ഞയാഴ്ച നടന്ന ചര്ച്ചയിലെ ധാരണ നടപ്പാക്കും.
ഇരുരാജ്യങ്ങളിലെ ഭരണത്തലവന്മാര് ഒപ്പുവച്ച കരാറുകള് പാലിക്കാന് ധാരണയായെന്ന് ചൈനീസ് വിദേശകാര്യമന്ത്രാലയവും പത്രക്കുറിപ്പിറക്കി. ഉഭയകക്ഷി കരാറുകളും പ്രോട്ടോക്കോളും കര്ശനപായി പാലിക്കുമെന്നും പത്രക്കുറിപ്പിലുണ്ട്.
https://www.facebook.com/Malayalivartha
