പ്രമുഖ എഴുത്തുകാരി ശോഭ ഡേയുടെ വീടിന് മുമ്പില്‍ ശിവസേനയുടെ പ്രതിഷേധം. ട്വിറ്ററിലൂടെ മഹാരാഷ്ട്ര വിരുദ്ധ പരാമര്‍ശം നടത്തിയതിനാണ് ശിവസേനയുടെ പ്രതിഷേധം. പ്രതിഷേധത്തെ തുടര്‍ന്ന് പൊലീസ് അവര്‍ക്ക് സുരക്ഷ ശക്തമാക്കി. മഹാരാഷ്ട്രയിലെ സിനിമാ തീയേറ്ററുകളില്‍ എല്ലാ ദിവസവും ആറു മണി മുതല്‍ ഒന്‍പത് മണി വരെ മറാത്ത സിനിമകള്‍ പ്രദര്‍ശിപ്പിക്കണമെന്ന ദേവേന്ദ്ര ഫട്‌നാവിസ് സര്‍ക്കാരിന്റെ കര്‍ശന നിര്‍ദ്ദേശത്തിനെതിരെ ആയിരുന്നു ശോഭാ ഡേ രംഗത്ത് വന്നത്. സര്‍ക്കാരിന്റെ തീരുമാനത്തെ \'ദാദാഗിരി\' എന്നു മാത്രമെ പറയാനാവു എന്നായുരുന്നു ഡേയുടെ വിമര്‍ശനം.

ഞാന്‍ മറാത്തി സിനിമകള്‍ ഇഷ്ടപ്പെടുന്നു. ഏത് തീയേറ്ററില്‍ എപ്പോള്‍ പോയി കാണണം എന്നത് എന്റെ മാത്രം തീരുമാനമാണ്. സര്‍ക്കാരിന്റെ ഇപ്പോഴത്തെ തീരുമാനത്തെ \'ദാദഗിരി\' എന്നല്ലാതെ മറ്റൊന്നും പറയാനില്ല ഇതായിരുന്നു ശോഭാ ഡേയുടെ ട്വീറ്റ്. ഇനി മുതല്‍ മുംബയിലെ മള്‍ട്ടിപ്‌ളക്‌സുകളില്‍ പോപ് കോണിന് പകരം വടയും പാവുമായിരിക്കും കിട്ടുകയെന്നും അവര്‍ പറഞ്ഞു. ശിവേസനയുടെ പ്രതിഷേധം കണക്കിലെടുത്ത് ശോഭാ ഡേയുടെ വീടിന് പൊലീസ് സുരക്ഷ ഏര്‍പ്പെടുത്തിയിരുന്നു. വീടിന് മുന്‍വശത്ത് ബാരിക്കേഡുകള്‍ സ്ഥാപിക്കുകയും ചെയ്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha