സംശയാസ്പദമായ സാഹചര്യത്തില്‍ പ്രശസ്ത ബംഗാളി സീരിയിലിലെ നടി ആത്മഹത്യ ചെയ്ത നിലയില്‍ കണ്ടെത്തി. കനകാഞ്ജലി സീരിയലിലെ പ്രധാന നടി ദിശാ ഗാംഗുലിയാണ് സ്വന്തം മുറിയില്‍ ആത്മഹത്യ ചെയ്തത്. 23 വയസ്സുകാരിയായ ദിശ കൊല്‍ക്കത്തയിലെ സ്വവസതിയായ പര്‍ണശ്രീയിലായിരുന്നു താമസം. ഇവിടെ മുറിയില്‍ ഫാനില്‍ തൂങ്ങി മരിച്ച നിലയിലായിരുന്നു.
അസ്വാഭാവികമായ രീതിയില്‍ സംശയിക്കാവുന്ന സൂചനകള്‍ ഒന്നും പൊലീസിന് മുറിയില്‍ നിന്നും ലഭിച്ചിട്ടില്ല. എങ്കിലും അസ്വാഭാവിക മരണം എന്ന നിലയില്‍ പൊലീസ് മരണകാരണം അന്വേഷിക്കുന്നുണ്ട്.
കുറച്ചു കാലമായി അവര്‍ നിരാശയിലായിരുന്നെന്ന് സീരിയല്‍ രംഗത്തെ സുഹൃത്തുക്കള്‍ പറയുന്നു. സുഹൃത്തുക്കളെ ചോദ്യം ചെയ്തുവരുന്ന പോലീസ് എല്ലാ സാധ്യതകളും അന്വേഷിക്കുമെന്ന് അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha