സ്വന്തം പാര്‍ട്ടിയെ പുകഴ്ത്തി കേജ്‌രിവാള്‍ രംഗത്തെത്തി. ജനങ്ങള്‍ക്കൊപ്പം നിന്നു നടത്തുന്ന തന്റെ ഭരണമാണ് പ്രധാനമന്ത്രി നരേന്ദ്ര മോദിയുടെ ഭരണത്തേക്കാള്‍ മികച്ചതെന്ന് ഡല്‍ഹി മുഖ്യമന്ത്രി അരവിന്ദ് കേജ്‌രിവാള്‍ വ്യക്തമാക്കി. മോഡിയുടേത് സമ്പന്നരോടു ചേര്‍ന്നു നില്‍ക്കുന്ന ഭരണമാണ്. എഎപി നേതാവ് അശുതോഷ് ഘോഷ് എഴുതിയ ദ് ക്രൗണ്‍ പ്രിന്‍സ്, ദ് ഗ്ലാഡിയേറ്റര്‍ ആന്‍ഡ് ഹോപ്പ് എന്ന പുസ്തകത്തിന്റെ പ്രകാശന ചടങ്ങിലാണ് കേജ്‌രിവാളിന്റെ പരാമര്‍ശം.
ആം ആദ്മിയിലെ ഉള്‍പ്പാര്‍ട്ടി പ്രശ്‌നങ്ങളിലല്ല ഭരണത്തിലാണ് തന്റെ ശ്രദ്ധയെന്ന് കേജ്‌രിവാള്‍ വ്യക്തമാക്കി. യഥാര്‍ഥ പോരാട്ടം ഉദ്യോഗസ്ഥ ഭരണവുമായാണെന്നു ഭരണത്തിലത്തിലെത്തിയപ്പോഴാണ് മനസ്സിലായതെന്നും പ്രധാനപ്പെട്ട മാറ്റങ്ങള്‍ കൊണ്ടുവരാന്‍ പരിശ്രമിക്കുകയാണെന്നും കേജ്‌രിവാള്‍ പറഞ്ഞു. ഭരണത്തിന്റെ അവസാനം ഏതാണ് നല്ലതെന്ന് എല്ലാവര്‍ക്കും മനസ്സിലാകും.

ഡല്‍ഹി തിരഞ്ഞെടുപ്പിന്റെ സമയത്ത് ജനങ്ങള്‍ക്കു മുന്‍പിലുണ്ടായിരുന്നത് 49 ദിവസത്തെ എഎപി ഭരണവും എട്ടുമാസത്തെ മോദി ഭരണവുമാണ്. 70ല്‍ 67 സീറ്റ് തന്നതിലൂടെ കേജ്‌രിവാള്‍ മാതൃകയിലുള്ള ഭരണമാണ് മികച്ചതെന്ന് ജനം തെളിയിച്ചു. തങ്ങളുടെ മാതൃകയില്‍ സാധാരണ ജനങ്ങളാണ് ഭരണത്തിന്റെ കേന്ദ്രം. മോഡിയുടെ മാതൃകയില്‍ രാജ്യത്തെ കുറച്ച് സമ്പന്നരും. നയങ്ങള്‍ അവര്‍ക്കു വേണ്ടിയാണ് നിര്‍മിക്കപ്പെടുന്നത്. എന്നാല്‍ എഎപി സാധാരണക്കാര്‍ക്കുവേണ്ടി നയങ്ങളുണ്ടാക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha