കോവിഡ് പരിശോധനകളുടെ എണ്ണത്തില്‍ ഇന്ത്യ ഒരു കോടി പിന്നിട്ടു. എന്നാല്‍ ഇപ്പോഴും ഇന്ത്യയുടെ ടെസ്റ്റിംഗ് ശരാശരി മറ്റു രാജ്യങ്ങളുമായി താരതമ്യം ചെയ്യുമ്പോള്‍ വളരെ കുറവാണ്. ഇതിതിന് പുറമേ കോവിഡ് ബാധിതരുടെ എണ്ണവും സമ്പര്‍ക്കം വഴിയുള്ള രോഗ ബാധിതരുടെ എണ്ണവും വര്‍ധിക്കുന്നുണ്ട്. ഇത് പരിശോധന നിരക്ക് വര്‍ധിപ്പിക്കേണ്ടതിന്റെ ആവശ്യകത ചൂണ്ടികാട്ടുകയാണ്.

ചൈനയില്‍ 85000 പേരില്‍ രോഗം കണ്ടെത്തിയപ്പോള്‍ ഒന്‍പത് കോടിയിലധികം പേരില്‍ അവര്‍ പരിശോധന നടത്തിയിരുന്ന അമേരിക്ക ഇതിനോകം നാലു കോടി സാമ്പിള്‍ പരിശോധനകളും റഷ്യ രണ്ടു കോടിയിലധികം പരിശോധനകളും നടത്തിട്ടുണ്ട്. മറ്റു രാജ്യങ്ങള്‍ ഇന്ത്യയേക്കാള്‍ മുന്നെ തന്നെ പരിശോധനകള്‍ ആരംഭിച്ചിരുന്നു. എന്നാല്‍ ഇന്ത്യയില്‍ മാര്‍ച്ചില്‍ മാത്രമാണ് പരിശോധനകള്‍ സജീവമായി നടത്തി തുടങ്ങിയത്. നിലവില്‍ രാജ്യത്തെ 1100 ലാബുകളില്‍ കോവിഡ് പരിശോധന നടക്കുന്നുണ്ട്. ഓരോ ദിവസവും രണ്ടു ലക്ഷത്തോളം പരിശോധനകളും നടക്കുന്നുണ്ട്. ഇത് ഒരു കോടി ജനങ്ങളില്‍ 7400 എന്ന താഴ്ന്ന നിരക്കിലാണ്. എന്നാല്‍ അമേരിക്കയില്‍ ഇത് 1,15,449 യും ചൈനയില്‍ 62,814 ലുമാണ്.

രോഗലക്ഷണം കാണിച്ച് ദിവസങ്ങള്‍ കഴിഞ്ഞ ശേഷമാണ് ഇന്ത്യയില്‍ പലരും പരിശോധനക്ക് എത്തുന്നത്. എന്നാല്‍ ഇതിനിടെ രോഗി രോഗം നിരവധി പേര്‍ക്ക് സമ്പര്‍ക്കം വഴി പകര്‍ന്നു നല്‍കുകയും ചെയ്യും. രോഗ വ്യാപനവും സാമൂഹിക വ്യാപനവും നടന്നുവെന്ന് കരുന്ന സ്ഥലങ്ങളിലെങ്കിലും വ്യാപകമായി പരിശോധന ആവശ്യമാണ്. എന്നാല്‍ അതിന് സംസ്ഥാന സര്‍ക്കാരുകളുടെ തയ്യറാകുന്നില്ലെന്ന ആരോപണമുണ്ട്. രോഗികളുടെ എണ്ണം കുറച്ചു കാണിക്കാന്‍ ഇവര്‍ ശ്രമിക്കുന്നുവെന്ന ആരോപണവും ശക്തമാണ്. രോഗവ്യാപനത്തില്‍ മുന്നില്‍ നില്‍ക്കുന്ന സംസ്ഥാനങ്ങള്‍ തന്നെയാണ് പരിശോധനയിലും മുന്നില്‍ നില്‍ക്കുന്നത്. ഇതില്‍ തമിഴ്‌നാട്ടിലാണ് ഏറ്റവും അധികം പരിശോധനകള്‍ നടത്ത്. രണ്ടാമത് മഹാരാഷ്ട്രയും. പത്തുലക്ഷത്തിലധികം പരിശോധന നടത്തിയതില്‍ ആന്ധ്രപ്രദേശും ഉള്‍പ്പെടുന്നുണ്ട്. ബാക്കി സംസ്ഥാനങ്ങള്‍ 10 ലക്ഷത്തിനും താഴെയാണ്.

ഇതിനിടെ രാജ്യത്തെ രോഗബാധിതരുടെ എണ്ണം ഏഴു ലക്ഷം പിന്നിട്ടു. ഇതിനോടകം തന്നെ കോവിഡ് ബാധിതരുടെ എണ്ണത്തില്‍ റഷ്യ പിന്‍തള്ളി മൂന്നാം സ്ഥനത്ത് എത്തുകയും ചെയ്തു. മഹാരാഷ്ട്രയില്‍ തന്നെയാണ് ഇപ്പോഴും രോഗം ഏറ്റവും രൂക്ഷമായിട്ടുള്ളത്. ഇവിടെ 9026 പേര്‍ ഇതിനോടകം മരിച്ചു. ഇന്നലെ മാത്രം മരിച്ചത് 204 പേരാണ്. ആകെ രോഗികള്‍ 2,11,987 പേര്‍. 1,14,978 പേര്‍ക്ക് രോഗം സ്ഥികരിച്ചുവെങ്കിലും 61 പേര്‍ മാത്രമാണ് ഇതുവരെ തമിഴ്‌നാട്ടില്‍ മരിച്ചത്. ഇത് ആശ്വാസകരമാണ്. പരിശോധനകളുടെ എണ്ണം പരമാവധി വര്‍ധിപ്പിച്ച് രോഗികളെ പിന്‍തുടര്‍ന്ന് കണ്ടെത്തി ചികില്‍സ നല്‍കിയാല്‍ മാത്രമേ രോഗം നിയന്ത്രിക്കാന്‍ രാജ്യത്തിന് സാധിക്കുയുള്ളുവെന്നും ആരോഗ്യ വിദഗ്ധര്‍ അഭിപ്രായപ്പെട്ടു.