പുതിയ രാഷ്ട്രീയ ചിന്തകളായിരിക്കും പാര്‍ട്ടി കോണ്‍ഗ്രസില്‍ ഇത്തവണ ഉണ്ടാവുകയെന്നാണ് നേതാക്കന്മാര്‍ പ്രതീക്ഷിക്കുന്നത്. പാര്‍ട്ടിക്കു പുതിയ ദിശ നല്‍കുന്നതായിരിക്കും വിശാഖപട്ടണം പാര്‍ട്ടി കോണ്‍ഗ്രസെന്ന് സിപിഎം ജനറല്‍ സെക്രട്ടറി പ്രകാശ് കാരാട്ട് പറഞ്ഞു. ആന്ധ്ര പ്രദേശിലെ വിശാഖപട്ടണത്ത് നാളെ തുടങ്ങുന്ന പാര്‍ട്ടി കോണ്‍ഗ്രസില്‍ പങ്കെടുക്കാന്‍ എത്തിയപ്പോഴായിരുന്നു കാരാട്ടിന്റെ പ്രതികരിച്ചത്. അതേസമയം, പാര്‍ട്ടി കോണ്‍ഗ്രസില്‍ സംഘടനാവിഷയങ്ങള്‍ സംബന്ധിച്ച പ്രാഥമിക ചര്‍ച്ച മാത്രമേ ഉണ്ടാകൂവെന്ന് പിബി അംഗം എസ്.രാമചന്ദ്രന്‍ പിള്ള അറിയിച്ചു.

പുതിയ ജനറല്‍ സെക്രട്ടറിയെക്കുറിച്ചു പ്രചരിക്കുന്നതെല്ലാം അഭ്യൂഹങ്ങള്‍ മാത്രമാണെന്നും അദ്ദേഹം പറഞ്ഞു. സിപിഎമ്മിനെ സംബന്ധിച്ചു വലിയ പ്രതിസന്ധിയിലൂടെ കടന്നുപോകുന്ന ഒരു സമയത്തു നടക്കുന്ന 21-ാം പാര്‍ട്ടി കോണ്‍ഗ്രസ്, പാര്‍ട്ടിയുടെ ഭാവി എന്ത് എന്ന കാര്യത്തില്‍ വളരെ നിര്‍ണായകമാണ്. നാളെ തുടങ്ങുന്ന പാര്‍ട്ടി കോണ്‍ഗ്രസിന്റെ അജന്‍ഡ നിശ്ചയിക്കാന്‍ പൊളിറ്റ് ബ്യൂറോയും കേന്ദ്ര കമ്മിറ്റിയും ഇന്നു യോഗം ചേരും. ഉച്ചകഴിഞ്ഞ് 3.30ന് പിബിയും അഞ്ചിന് കേന്ദ്രകമ്മിറ്റിയും ചേരുക.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha